स्वतन्त्र समाचार सेवा / INS 
जेनजी विद्रोहीपछि सर्वपक्षीय सहमतिमा नियुक्ति अन्तरिम सरकारका प्रधानमन्त्री सुशीला कार्कीले आज राष्ट्रपति रामचन्द्र पौडेललाई भेटी अब देश सामान्य अवस्था तर्फ लागेकोमा व्रिफिङ्ग गर्नुभएको छ ।
राष्ट्रपति र प्रधानमन्त्री बिचमा निर्वाचन केन्द्रित भएर सरकारले गर्नुपर्ने कामहरू अगाडि बढाउने समझदारी बनेको पनि समाचार सूत्रहरूले उल्लेख गरेका छन् ।
संक्रमणकाललाई संवेदनशील रूपमा ग्रहण गर्दै सरकारलाई सहयोग पुर्याउन राष्ट्रपतिको संस्था पनि सकारात्मक रहेको सन्देश राष्ट्रपति पौडेलले प्रधानमन्त्रीलाई दिनुभएको छ । तर संविधानमा थप क्षति नपुगोस् भन्नेमा राष्ट्रपति सचेत रहनु भएको र सरकारले पनि त्यसमा गम्भीर हुनुपर्ने सुझाव उहाँको छ ।
प्रधानमन्त्री कार्कीले पनि आफू तत्कालीन अन्तरिम सरकारका प्रधानमन्त्री कृष्णप्रसाद भट्टराईले २०४७ सालमा गरेजस्तै निर्वाचनलाई निष्पक्ष र स्वतन्त्र रूपमा सम्पन्न गरेर सहज सत्ता हस्तान्तरण गर्न कटिबद्ध रहेको आफ्नो प्रतिबद्धता प्रस्तुत गर्नुभएको बताइन्छ ।
भदौ २३ र २४ को जनविद्रोहको अवस्थाको बारे सबै पक्ष गम्भीर भएर नवयुवाहरूको माग र आक्रोशलाई सम्बोधन गर्न सकिने जति शासकीय सुधारका काम अगाडी बढाउँदा सहयोग पाउनु पर्ने र संवैधानिक तथा राजनीतिक सुधारको विषयलाई निर्वाचन मार्फत अनुमोदन खोज्नुपर्नेमा पनि राष्ट्रपति र प्रधानमन्त्री बिच एकमत रहेको समाचार सूत्रले उल्लेख गरेको छ ।
राजनीतिक सङ्क्रमणलाई निर्वाचनपछि जन अनुमोदित सांसदबाट व्यवस्थापन गर्न सबै पक्षलाई आव्हान गर्ने सहमति बनेको पनि सूत्रले स्वतन्त्र समाचार सेवालाई बताएको छ ।
यस छलफलपछि आजै राष्ट्रपतिबाट मतदाता नामावली सङ्कलनका लागि म्याद थप गर्न अध्यादेश जारी भएको छ । हाल मतदाता नामावलीमा नाम छुटेकाहरूले निर्वाचन आयोगले तोकेको म्याद भित्र नामावली दर्ता गर्न सक्नेछन् । यस बाट १८ वर्ष उमेर पुगेका जेनजी पुस्ताका नयाँ मतदाताहरू थपिन सहज भएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- हेम्जाकोट गाउँ र माछापुच्छ्रे हिमाल
- पनौती प्रेस पूर्ण सञ्चालनतर्फ : छ महिनामा नागरिकता-लाइसेन्ससहित नौ सेवा
- आज गणेशमान सिंहको १११औँ जन्म जयन्ती मनाइँदै
- आजका लागि विदेशी मुद्राको विनिमय दर
- ट्रम्पको भाषण सम्पादनको आलोचना पछि बिबिसीका निर्देशकले दिए राजीनामा
- विभिन्न सडक दुर्घटनामा एकको मृत्यु, १७ घाइते
- महाकाली करिडोर: सुदूरपश्चिमको लाइफलाइन अलपत्र
- ‘एनटिभी वर्ल्ड’ आजदेखि: पिएसबी नेपालको स्थापनाको प्रथम वर्षोत्सव
- आजको विदेशी मुद्राको विनिमय दर
- स्याउले सिप्तिङ होमस्टे: आठपहरियाको संस्कृति र पर्यटनको नयाँ ढोका
