स्वतन्त्र समाचार सेवा / INS 
तराई क्षेत्रमा शीतलहर र चिसो बढेसँगै बालबालिकाको स्वास्थ्यलाई मध्यनजर गर्दै वीरगञ्ज महानगरपालिका र सुनसरीका विभिन्न स्थानीय तहहरूले विद्यालयमा थप बिदा दिएका छन्।
वीरगञ्ज महानगरले यसअघि दुई पटक गरी पाँच दिन जाडो बिदा दिइसकेकोमा पुनः पुस १६ देखि १८ गतेसम्म थप तीन दिन पठनपाठन बन्द गर्ने निर्णय गरेको छ। यो बिदा बर्खे बिदाबाट कट्टा हुने गरी दिइएको हो। पछिल्लो दुई सातादेखि बढेको चिसोले बालबालिकाको स्वास्थ्यमा प्रतिकूल असर पर्न सक्ने भन्दै आगामी पुस २० गतेदेखि मात्र विद्यालय सञ्चालन हुने जनाइएको छ।
यस्तै, सुनसरी जिल्लामा पनि शीतलहरका कारण चिसो अत्यधिक बढेपछि इटहरी उपमहानगरपालिका, इनरुवा, दुहवी, कोशी गाउँपालिका, हरिनगरा, रामधुनी लगायतका स्थानीय तहहरूले पुस १६ देखि १८ गतेसम्म सामुदायिक तथा संस्थागत विद्यालयहरूमा बिदा घोषणा गरेका छन्। यो बिदा वार्षिक बिदाबाट कट्टा हुने गरी लागू गरिएको छ। अभिभावकहरूलाई बालबालिकालाई घरमै न्यानो राख्न र चिसोबाट सतर्क रहन आग्रह गरिएको छ।
तराईका विभिन्न जिल्लामा शीतलहरको प्रभाव जारी रहेकाले यस्ता निर्णयले विद्यार्थीहरूको स्वास्थ्य सुरक्षामा सहयोग पुग्ने अपेक्षा गरिएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- जुनार खेतीबाट दोहोरो कमाइ, विदेशबाट फर्केका युवाको नयाँ बाटो
- त्रिविको आग्रह : समस्या वार्ता र संवादबाट समाधान गरौँ, हडताल-तोडफोड नगर्नू
- सहिद दिवसमा व्यास नगर अल्ट्रा म्याराथन
- शक्तिराष्ट्रहरूले विश्व सहयोगलाई कमजोर पार्दै : गुटेर्रेस
- आजबाट राष्ट्रिय सभाको अधिवेशन
- लोपोन्मुख पुर्ख्यौली संस्कृति जोगाउन, मालिका गाउँपालिकामा ऐतिहासिक प्रतियोगिता
- बागमती प्रदेश सरकारको बजेट कार्यान्वयन कमजोर
- आर्थिक वर्ष २०८३/८४ को बजेट निर्माण प्रक्रिया सुरु
- फागुन २१ निर्वाचन : तनहुँमा निर्वाचन प्रहरी भर्नामा कम चासो, समय थप
- मस्कको आफ्नै बच्चाकी आमाद्वारा एक्सएआई ग्रोक विरुद्ध मुद्दा दायर
