स्वतन्त्र समाचार सेवा / INS 
इन्डियन प्रिमियर लिग २०२६ अन्तर्गत हिजो सम्पन्न भएका रोमाञ्चक खेलहरूमा चेन्नई सुपर किंग्स र पन्जाब किंग्स विजयी भएका छन्। चेपौक रङ्गशालामा भएको खेलमा चेन्नईले दिल्ली क्यापिटल्सलाई पराजित गर्यो भने पन्जाबले सनराइजर्स हैदराबादलाई पाखा लगायो।
सञ्जु सामसनको विष्फोटक शतक: चेन्नईको पहिलो जित
हिजोको दोस्रो खेलमा चेन्नई सुपर किंग्सले दिल्ली क्यापिटल्सलाई २३ रनले हराउँदै सिजनको पहिलो जित दर्ता गरेको छ। पहिले ब्याटिङ गरेको चेन्नईले निर्धारित २० ओभरमा मात्र २ विकेट गुमाएर २१२ रनको विशाल योगफल तयार पारेको थियो। चेन्नईका लागि सञ्जु सामसनले अविश्वसनीय ब्याटिङ गर्दै मात्र ५६ बलमा ११५ रनको अविजित शतकीय इनिङ खेले। उनलाई युवा खेलाडी आयुष म्हात्रेले ५९ रन बनाउँदै राम्रो साथ दिए।
२१३ रनको लक्ष्य पछ्याएको दिल्ली क्यापिटल्सले २० ओभरमा १८९ रन मात्र बनाउन सक्यो। दिल्लीका लागि ट्रिस्टन स्टब्सले ६० रन र पाथुम निसान्काले ४१ रन बनाए पनि टोलीलाई जित दिलाउन सकेनन्। चेन्नईका बलर जेमी ओभरटनले घातक बलिङ गर्दै ४ विकेट लिए।
पन्जाब किंग्सको ऐतिहासिक लक्ष्य पछ्याउने सफलता
दिउँसो भएको पहिलो खेलमा पन्जाब किंग्सले सनराइजर्स हैदराबादलाई ६ विकेटले पराजित गर्यो। पहिले ब्याटिङ गरेको हैदराबादले अभिषेक शर्माको ७४ रनको मद्दतले २१९ रनको विशाल स्कोर खडा गरेको थियो।
तर, पन्जाबले उक्त कठिन लक्ष्य १८.५ ओभरमै ४ विकेट गुमाएर पूरा गर्यो। पन्जाबको जितमा कप्तान श्रेयस अय्यरले ३३ बलमा ६९ रनको उत्कृष्ट इनिङ खेले। त्यस्तै ओपनर प्रियान्श आर्यले ५७ र प्रभसिमरन सिंहले ५१ रनको योगदान दिए।
यी जितसँगै चेन्नईले अङ्क तालिकामा आफ्नो खाता खोलेको छ भने पन्जाबले आफ्नो बलियो उपस्थितिलाई निरन्तरता दिएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मनसुनबाट देशभर साढे २ लाख नागरिक प्रभावित हुने अनुमान
- आईपीएल २०२६: मिचेल मार्सको विस्फोटक ब्याटिङ, लखनउद्वारा चेन्नाई ७ विकेटले पराजित
- विश्वकप लिग-२ : आज नेपाल र अमेरिका भिड्दै
- आजको मौसम पूर्वानुमान
- राष्ट्रपतिसमक्ष महालेखापरीक्षकको ६३औँ प्रतिवेदन पेस
- सडक विस्तारसँगै सम्पदा संरक्षण
- डिजिटल अर्थतन्त्र र संरचनागत सुधार: आगामी बजेटको मार्गचित्र
- आईपीएल २०२६: मुम्बई इन्डियन्सद्वारा पन्जाब किंग्स ६ विकेटले पराजित
- आजका लागि विदेशी मुद्राको विनिमय दर
- धौलागिरि डायरी: उजाडिँदै पदमार्ग, सुस्ताउँदै पर्यटन
