स्वतन्त्र समाचार सेवा / INS 
इन्डियन प्रिमियर लिग (आईपीएल) २०२६ को आइतबार सम्पन्न दुई रोमाञ्चक खेलहरूमा रोयल च्यालेन्जर्स बेंगलुरु र गुजरात टाइटन्स विजयी भएका छन्। मुम्बईको वानखेडे स्टेडियममा भएको हाई-स्कोरिङ खेलमा आरसीबीले मुम्बई इन्डियन्सलाई १८ रनले पराजित गर्यो भने लखनउको इकाना स्टेडियममा गुजरातले लखनउ सुपर जायन्ट्सलाई ७ विकेटले हरायो।
वानखेडेमा रनको वर्षा: फिल साल्टको आक्रामक ब्याटिङ
मुम्बईमा भएको खेलमा टस हारेर पहिले ब्याटिङ गरेको आरसीबीले निर्धारित २० ओभरमा ४ विकेट गुमाएर २४० रनको विशाल योगफल तयार पारेको थियो। आरसीबीका लागि फिल साल्टले आक्रामक ७८ रनको इनिङ्स खेले भने रजत पाटीदारले ५३ र विराट कोहलीले ५० रनको योगदान दिए। मुम्बईका बलरहरू महँगो साबित भए, जसमा ट्रेन्ट बोल्ट र हार्दिक पाण्ड्याले १-१ विकेट लिए।
जवाफी ब्याटिङमा उत्रिएको मुम्बई इन्डियन्सले पनि कडा टक्कर दियो तर निर्धारित ओभरमा ५ विकेट गुमाएर २२२ रनमा मात्र सीमित भयो। मुम्बईका लागि सेर्फेन रदरफोर्डले विस्फोटक ७१ रन बनाए पनि टोलीलाई जिताउन पर्याप्त भएन। आरसीबीका सुयश शर्माले २ विकेट लिए। फिल साल्ट खेलको ‘प्लेयर अफ द म्याच’ घोषित भए।
लखनउमा गुजरातको सहज जित
दिनको पहिलो खेलमा लखनउ सुपर जायन्ट्सले टस हारेर पहिले ब्याटिङ गर्दै १६४/८ को मध्यम स्कोर बनाएको थियो। लखनउका लागि एडेन मार्क्रमले सर्वाधिक ३० रन बनाए। गुजरातका तीव्र गतिका बलर प्रसिद्ध कृष्णले उत्कृष्ट बलिङ गर्दै २८ रन दिएर ४ विकेट लिए।
१६५ रनको लक्ष्य पछ्याएको गुजरात टाइटन्सले १८.४ ओभरमा ३ विकेट गुमाउँदै लक्ष्य पूरा गर्यो। गुजरातको जितमा जोस बटलरले ६० रन र कप्तान शुभमन गिलले ५६ रनको सानदार अर्धशतकीय इनिङ्स खेले। अन्त्यमा वासिङ्टन सुन्दर (२१*) र राहुल तेवाटिया (१०*) ले टोलीलाई जितसम्म पुर्याए। ४ विकेट लिएका प्रसिद्ध कृष्ण ‘प्लेयर अफ द म्याच’ चुनिए।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मनसुनबाट देशभर साढे २ लाख नागरिक प्रभावित हुने अनुमान
- आईपीएल २०२६: मिचेल मार्सको विस्फोटक ब्याटिङ, लखनउद्वारा चेन्नाई ७ विकेटले पराजित
- विश्वकप लिग-२ : आज नेपाल र अमेरिका भिड्दै
- आजको मौसम पूर्वानुमान
- राष्ट्रपतिसमक्ष महालेखापरीक्षकको ६३औँ प्रतिवेदन पेस
- सडक विस्तारसँगै सम्पदा संरक्षण
- डिजिटल अर्थतन्त्र र संरचनागत सुधार: आगामी बजेटको मार्गचित्र
- आईपीएल २०२६: मुम्बई इन्डियन्सद्वारा पन्जाब किंग्स ६ विकेटले पराजित
- आजका लागि विदेशी मुद्राको विनिमय दर
- धौलागिरि डायरी: उजाडिँदै पदमार्ग, सुस्ताउँदै पर्यटन
