स्वतन्त्र समाचार सेवा / INS 
इन्डियन प्रिमियर लिग (आईपीएल) २०२६ अन्तर्गत बिहीबार राति सम्पन्न खेलमा मुम्बई इन्डियन्सले पन्जाब किंग्समाथि ६ विकेटको सानदार जित दर्ता गरेको छ। मुम्बईको यस जितमा युवा ब्याट्सम्यान तिलक वर्मा नायक बने।
टस हारेर पहिले ब्याटिङको निम्तो पाएको पन्जाब किंग्सले निर्धारित २० ओभरमा ८ विकेट गुमाउँदै २०० रनको चुनौतीपूर्ण स्कोर खडा गरेको थियो। पन्जाबका लागि प्रारम्भिक ब्याट्सम्यान प्रभसिमरन सिंहले सर्वाधिक ५७ रन बनाए भने अजमतुल्लाह ओमरजाईले विस्फोटक ३८ रन जोडे। मुम्बईका बलर शार्दुल ठाकुरले कसिलो बलिङ गर्दै ४ विकेट लिए भने दिपक चाहरले २ विकेट चट्काए।
२०१ रनको विशाल लक्ष्य पछ्याएको मुम्बईको सुरुवात आक्रामक रह्यो। रायन रिकल्टनले २३ बलमा ४८ रन बनाउँदै मुम्बईलाई बलियो आधार दिए। यद्यपि, कप्तान रोहित शर्मा २५ रनमा आउट भएपछि मुम्बई केही दबाबमा देखिएको थियो। तर, तिलक वर्माले ३३ बलमा ६ छक्का र ६ चौकाको मद्दतले अविजित ७५ रन बनाउँदै खेल मुम्बईको पक्षमा पारे। अन्तिम ओभरतिर विल ज्याक्सले १० बलमा २५ रनको आक्रामक योगदान दिँदै मुम्बईलाई १९.५ ओभरमै जित दिलाए।
यस पराजयसँगै पन्जाब किंग्सको प्लेअफमा पुग्ने सम्भावना निकै कठिन बनेको छ। मुम्बईले भने प्रतिष्ठाको लागि लडिरहेको यस सिजनमा उत्कृष्ट पुनरागमनको सङ्केत दिएको छ। खेलको ‘प्लेयर अफ द म्याच’ तिलक वर्मा घोषित भए।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- फिफा विश्वकप २०२६: पहिलो खेलमै अमेरिकाको शानदार सुरुवात, पाराग्वे ४–१ ले पराजित
- भौतिक पूर्वाधार बलियो तर कक्षाकोठा रित्तो
- कैलालीमा वन अतिक्रमण विरुद्ध ठुलो ‘एक्शन’
- मेटाको ह्वाट्सएपद्वारा एनएसओ ग्रुप विरुद्ध अदालतको अवहेलना मुद्दा हाल्ने तयारी
- पूर्ण खोप सुनिश्चिततातर्फ कालीकोट
- अब तनहुँमा पनि रुद्राक्ष पकेट क्षेत्र
- फिफा विश्वकप २०२६: क्यानडा र बोस्नियाबिचकोखेल १-१ को बराबरीमा टुङ्गियो
- आज शनिबारका लागि विदेशी मुद्राको विनिमय दर
- आजको मौसम
- फिफा विश्वकप २०२६: दोस्रो दिन सह-आयोजक क्यानडा र अमेरिका मैदानमा उत्रिँदै
