स्वतन्त्र समाचार सेवा / INS 
इन्डियन प्रिमियर लिग २०२६ को पहिलो क्वालिफायर खेलमा रोयल च्यालेन्जर्स बेंगलोरले गुजरात टाइटन्समाथि ९२ रनको सानदार जितसंगै फाइनलमा आफ्नो स्थान सुरक्षित गरेको छ। धर्मशालाको हिमाचल प्रदेश क्रिकेट एसोसिएसन रङ्गशालामा भएको यस खेलमा बेंगलोरले कीर्तिमानी प्रदर्शन गरेको हो।
टस हारेर पहिले ब्याटिङको निम्तो पाएको आरसीबीले निर्धारित २० ओभरमा ५ विकेट गुमाउँदै २५४ रनको विशाल योगफल तयार पारेको थियो। यो आईपीएल प्लेअफ इतिहासकै सबैभन्दा ठुलो स्कोर हो। आरसीबीका लागि कप्तान रजत पाटीदारले विस्फोटक ब्याटिङ गर्दै मात्र ३३ बलमा ९ छक्का र ५ चौकाको मद्दतले अविजित ९३ रनको कप्तानी पारी खेले। उनलाई मध्य क्रममा क्रुणाल पाण्ड्याले ४३ रन बनाएर राम्रो साथ दिए। ओपनर विराट कोहलीले ४३ रन र देवदत्त पडिक्कलले ३० रन जोड्दै टोलीलाई बलियो सुरुवात दिलाएका थिए। गुजरातका बलरहरू आरसीबीको ब्याटिङ आक्रमणसामु निरीह देखिए।
२५५ रनको विशाल लक्ष्य पछ्याएको गुजरात टाइटन्सको सुरुवात निकै खराब रह्यो। आरसीबीका बलरहरूको कडा आक्रमणका कारण गुजरातले पावरप्लेमै ५ विकेट गुमाएर सङ्कटमा परेको थियो। कप्तान शुभमन गिल मात्र २ रनमा आउट भए भने इन-फर्म ब्याटर साइ सुदर्शन १४ रनमा पेभेलियन फर्किए। मध्य क्रमका ब्याटर राहुल तेवाटियाले ४३ बलमा ६८ रनको अर्धशतकीय र जुझारु पारी खेले तापनि त्यो जितका लागि पर्याप्त हुन सकेन। गुजरातको टोली १९.३ ओभरमा १६२ रनमा अलआउट हुन पुग्यो। आरसीबीका लागि बलिङतर्फ ज्याकब डफीले ३ विकेट र रशिख सलामले २ विकेट लिए।
यो विशाल जितसँगै साबिक विजेता आरसीबी लगातार दोस्रो पटक आइपिएलको फाइनलमा पुग्न सफल भएको छ। पराजित गुजरात टाइटन्सले भने फाइनल प्रवेशका लागि अब एलिमिनेटर खेलको विजेतासँग दोस्रो क्वालिफायर खेल्ने मौका पाउनेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- फिफा विश्वकप २०२६: पहिलो खेलमै अमेरिकाको शानदार सुरुवात, पाराग्वे ४–१ ले पराजित
- भौतिक पूर्वाधार बलियो तर कक्षाकोठा रित्तो
- कैलालीमा वन अतिक्रमण विरुद्ध ठुलो ‘एक्शन’
- मेटाको ह्वाट्सएपद्वारा एनएसओ ग्रुप विरुद्ध अदालतको अवहेलना मुद्दा हाल्ने तयारी
- पूर्ण खोप सुनिश्चिततातर्फ कालीकोट
- अब तनहुँमा पनि रुद्राक्ष पकेट क्षेत्र
- फिफा विश्वकप २०२६: क्यानडा र बोस्नियाबिचकोखेल १-१ को बराबरीमा टुङ्गियो
- आज शनिबारका लागि विदेशी मुद्राको विनिमय दर
- आजको मौसम
- फिफा विश्वकप २०२६: दोस्रो दिन सह-आयोजक क्यानडा र अमेरिका मैदानमा उत्रिँदै
