स्वतन्त्र समाचार सेवा / INS 
काठमाडौं महानगरपालिकाको १९औँ अधिवेशन एवं नगरसभा सम्पन्न भएको छ। गत जेठ ३१ गते सुरु भएको अधिवेशन बिहीबार बसेको छैटौँ बैठकसँगै सकिएको हो।
बैठकमा नगरसभाको चौथो र पाँचौँ बैठकमा पेस भएका संशोधन विधेयक तथा वार्षिक प्रतिवेदनमाथि छलफल भएको थियो। विधायन समितिका सदस्य हुमादेवी आचार्यले विद्यमान कानुनमा समसामयिक संशोधनसम्बन्धी विधेयकका प्रस्तावित व्यवस्था पेस गरिन्।
पेस भएका विषयमाथि नगरसभा सदस्य विमलकुमार होडा, सन्तोष ढुङ्गेल, मचाराजा महर्जन, सुरेश मानन्धर र रोजिना श्रेष्ठले धारणा राखे।
बैठकमा व्यक्त धारणा र लिखित संशोधन प्रस्ताव समेटेर सभाका अध्यक्ष एवं महानगरपालिकाका कार्यवाहक प्रमुख सुनिता डङ्गोलले निर्णयार्थ प्रस्ताव पेस गरिन्। ती विधेयकसँगै पाँचौँ बैठकमा पेस भएका न्यायिक समिति, लेखा समिति र सुशासन समितिको वार्षिक प्रतिवेदन पनि सदस्यहरूले दिएका सुझाव समेटेर निर्णयका लागि प्रस्तुत गरिएको थियो।
पेस भएका सबै प्रस्ताव सर्वसम्मत रूपमा पारित भएपछि सभाध्यक्ष डङ्गोलले नगरसभा सम्पन्न भएको घोषणा गरिन्। उनले स्वीकृत कार्यक्रमको प्रभावकारी कार्यान्वयनमार्फत मतदाता, महानगरवासी तथा राजधानीमा आश्रित नागरिकको हित, उपयोग र सुरक्षाको सुनिश्चितता हुने गरी काम गर्न सम्बन्धित सबै पक्षलाई आग्रह गरिन्।
नगरसभामा कार्यवाहक प्रमुख डङ्गोलले आर्थिक वर्ष २०८३/८४ का लागि ११ क्षेत्र समेटिएका १०१ बुँदे नीति प्रस्ताव पेस गरेकी थिइन्। उक्त प्रस्ताव असार १ गते बसेको दोस्रो बैठकले सर्वसम्मत रूपमा पारित गरेको थियो।
त्यसैगरी, असार ४ गतेको तेस्रो बैठकमा उनले आर्थिक वर्ष २०८३/८४ का लागि २५ अर्ब ८८ करोड ३० लाख ५५ हजार रुपैयाँको बजेट प्रस्ताव प्रस्तुत गरेकी थिइन्। सोही बैठकमा आर्थिक विधेयक र विनियोजन विधेयक पनि पेस गरिएको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पूर्वाधार छ, बजेट छैन: ५० शय्याको प्रादेशिक आयुर्वेद चिकित्सालय जनशक्ति अभावमा साघुरियो
- भोजपुरको ‘फलाम ढुङ्गा’: प्राकृतिक सौन्दर्य र ऐतिहासिक महत्त्व, तर ओझेलमा
- म्याग्दीको धवलागिरि गाउँपालिकाको उदाहरणीय कदम: पोखरामै एकीकृत सेवा शिविर
- म्याग्दीमा साइबर अपराधको ग्राफ उकालो: अनलाइन ठगीबाट कसरी बच्ने?
- राष्ट्रिय सभाको बैठक आज बस्दै
- आज बिहिबारका लागि विदेशी मुद्राको विनिमय दर
- मनसुन अपडेट: पहिरो र बाढीको जोखिम, उच्च सतर्कता अपनाउन अपिल
- भेडेटारको ‘स्काइवाक’ नयाँ पर्यटकीय रोजाइ
- खेतीको क्षेत्रफल बढे पनि म्याग्दीमा घट्यो आलुको उत्पादकत्व
- आज राष्ट्रिय सभाको बैठक बस्दै
