स्वतन्त्र समाचार सेवा / INS 
इङ्लिस प्रिमियर लिगको दोस्रो चरणको खेलमा म्यानचेस्टर सिटीले क्रिस्टल प्यालेसमाथि ४-१ को फराकिलो जित दर्ता गरेको छ। यस जितसँगै म्यानचेस्टर सिटी लिग तालिकाको शीर्ष स्थान (पहिलो) मा उक्लिएको छ भने पराजित क्रिस्टल प्यालेस तालिकाको पुछार अर्थात् २०औँ स्थानमा झरेको छ।
खेलको सुरुवातदेखि नै म्यानचेस्टर सिटीले आफ्नो दबाब बनाएको थियो। खेलको १७औँ मिनेटमा स्टार स्ट्राइकर अर्लिङ हालान्डले गोल गर्दै सिटीलाई १-० को सुरुआती अग्रता दिलाए। पहिलो हाफमा १-० ले अगाडि रहेको सिटीले दोस्रो हाफमा अझ आक्रामक खेल प्रदर्शन गर्यो।
दोस्रो हाफको ५४औँ मिनेटमा रियान शेर्कीले गोल गर्दै टोलीको अग्रता २-० बनाए। त्यसको दुई मिनेटपछि अर्थात् ५६औँ मिनेटमा म्यानचेस्टर सिटीका गोलकिपर जियानलुइजी डोनारुम्माबाट आत्मघाती गोल हुन पुग्दा क्रिस्टल प्यालेसले खेललाई २-१ को स्थितिमा ल्याउँदै अन्तर घटाएको थियो।
तर, त्यस लगत्तै ५९औँ मिनेटमा रियान शेर्कीले व्यक्तिगत दोस्रो गोल गर्दै सिटीलाई ३-१ को मजबुत स्थितिमा पुर्याए। खेलको अन्त्यतिर ८४औँ मिनेटमा अर्लिङ हालान्डले पनि व्यक्तिगत दोस्रो गोल थपेपछि म्यानचेस्टर सिटीले ४-१ को सानदार जित पक्का गर्यो।
शेर्की र हालान्डको उत्कृष्ट दुई-दुई गोलको मद्दतले सिटीले लगातार दोस्रो खेल जित्दै उपाधि दाबेदारीलाई बलियो बनाएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- च्याम्पियनसिप लिग: पहिलो चरणका खेलहरूमा बार्सिलोना र पिएसजीको सानदार जित, आर्सनल र लिभरपुलको पनि विजयी सुरुआत
- दुर्गमको प्रसूति व्यथा: न सडक, न चेतना
- नेपालमा बाढी पहिरो पीडितको सहयोगार्थ एएस रोमा र डब्लुएफपीबिच सहकार्य
- आज संसद्का दुवै सदनको बैठक बस्दै
- हतुवागढीका किसान अदुवा खेतीतर्फ आकर्षित
- मौसम अपडेट: पाँच प्रदेशमा भारी वर्षाको जोखिम
- आजका लागि विदेशी मुद्राको विनिमय दर
- महिला अधिकार आन्दोलनकी ‘दीपशिखा’ ग्लोरिया स्टाइनम: ९२ वर्षको ऐतिहासिक यात्रा र अझै अधुरा कार्यभारहरू
- युइएफए च्याम्पियन्स लिग: घरेलु मैदानमा रियल म्याड्रिडको विजयी सुरुवात, इन्टर मिलान २-१ ले पराजित
- राप्ती प्रादेशिक अस्पतालमा शय्याको हाहाकार
