स्वतन्त्र समाचार सेवा / INS 
युइएफए च्याम्पियन्स लिगको नयाँ सिजन २०२६/२७ को लिग चरणअन्तर्गत म्याचडे १ को खेलमा स्पेनिस क्लब रियल म्याड्रिडले उत्कृष्ट सुरुवात गरेको छ। मंगलबार राति घरेलु मैदान सान्टियागो बर्नाबेउमा सम्पन्न खेलमा रियल म्याड्रिडले इटालियन महारथी इन्टर मिलानलाई २-१ गोल अन्तरले पराजित गर्दै ३ अङ्क जोड्न सफल भएको हो।
पहिलो हाफमै म्याड्रिडको दोब्बर अग्रता
होस्ट टोली रियल म्याड्रिडका लागि खेलको १४ औँ मिनेटमा फ्रान्सेली स्टार फरवार्ड किलियन एम्बाप्पेले पहिलो गोल गर्दै टोलीलाई अग्रता दिलाएका थिए। इन्टर मिलानको रक्षा पङ्क्ति र गोलकिपर बिचको असमझदारी र गल्तीको फाइदा उठाउँदै ब्राहिम डियाजको पासमा एम्बाप्पेले सहजै बललाई जाली चुमाएका थिए।
त्यस्तै, खेलको २३ औँ मिनेटमा मध्यक्रमका भरपर्दा खेलाडी फेदेरिको भाल्भेर्देले दोस्रो गोल गर्दै म्याड्रिडको अग्रता दोब्बर बनाए। इन्टरका गोलकिपर जोसेप मार्टिनेजले बल नियन्त्रणमा लिन ढिलाइ गर्दा भाल्भेर्देले खोसेर उत्कृष्ट फिनिसिङ गरेका थिए। पहिलो हाफमै २-० ले अघि बढेको रियल म्याड्रिडले खेलमा आफ्नो पकड बलियो बनाएको थियो।
दोस्रो हाफमा इन्टरको पुनरागमन प्रयास
दुई गोलले पछाडि परेको इन्टर मिलानले दोस्रो हाफमा आक्रामक रणनीति अपनाउँदै घरेलु टोलीमाथि निकै दबाब सिर्जना गर्यो। खेलभरि २१ पटक गोलको प्रयास गरेको इन्टरका लागि ७७ औँ मिनेटमा कार्लोस अगस्टोले गोल गर्दै खेललाई २-१ को स्थितिमा ल्याएका थिए।
त्यसपछि पनि इन्टरले बराबरी गोलका लागि लगातार प्रयास गरे पनि म्याड्रिडका गोलकिपर थिबो कोर्तुवाले केही उत्कृष्ट बचाउ गर्दै टोलीको जित सुरक्षित गरे। इन्टरका कप्तान लौटारो मार्टिनेज र मार्कस थुरामका प्रयासहरू विफल बनेका थिए।
पुनः रियल म्याड्रिडको मुख्य प्रशिक्षकको रूपमा फर्किएका होसे मोरिन्होले आफ्नै पूर्व क्लब इन्टर मिलानविरुद्ध टोलीलाई महत्त्वपूर्ण जित दिलाएका छन्।
म्याचडे १ का अन्य खेल र तिनका नतिजाहरू
म्यानचेस्टर सिटी २–० एफसी पोर्तो: अर्लिङ होलानको दोस्रो हाफका दुई गोलको मद्दतमा म्यानचेस्टर सिटीले पोर्तोलाई २-० ले पराजित गर्यो। यसका साथै एस्टन भिल्ला ३–२ क्लब ब्रुगसंगको रोमाञ्चक खेलमा ३-२ को सङ्घर्षपूर्ण जित निकाल्यो।
यसै गरी घरेलु मैदानमा डोर्टमुन्डले भिल्लारियललाई ३-२ गोल अन्तरले हरायो भने पाहुना टोली रियल बेटिसले लिल्लेलाई ३-२ ले पराजित गर्दै ३ अङ्क बटुल्यो। अन्य खेलमा घरेलु टोली एईके एथेन्सले एलएएसकेलाई १-० को साँघुरो अन्तरले हराउँदै विजयी सुरुवात गर्यो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- दसैँको तेस्रो दिन: चन्द्रघण्टा देवीको ध्यान र उपासना
- आज कहाँ-कहाँ हुँदैछ वर्षा र हिमपात?
- आजको विनिमय दर निर्धारित
- इच्छाकामना अस्पताललाई ट्रमा सेन्टरका रूपमा विस्तार गर्न माग
- दसैँको रौनक: पहेँलपुर बन्यो आँबुखैरेनी
- नवरात्रको दोस्रो दिन: ब्रह्मचारिणी देवीको आराधना
- नेपाली काँग्रेस: उपसभापति र महामन्त्रीको मतपरिणाम सार्वजनिक
- आजका लागि विदेशी मुद्राको विनिमय दर
- गोरखामा बूढीगण्डकीको बाढी: ३५ घर बगे, चार गाउँमा व्यापक क्षति
- बडादसैँ सुरु: आज घरघरमा घटस्थापना, जमरा राखिँदै
