स्वतन्त्र समाचार सेवा / INS 
एसियाली खेलकुद अन्तर्गत पुरुष क्रिकेटको समूह चरणको खेलमा नेपालले अफगानिस्तानमाथि ५ विकेटको शानदार जित निकालेको छ। जितका लागि पाएको १०३ रनको लक्ष्य नेपालले १७.२ ओभरमा ५ विकेट गुमाउँदै १६ बल बाँकी छँदै पूरा गर्यो।
टस जितेर पहिले ब्याटिङ रोजेको अफगानिस्तानले निर्धारित २० ओभरमा ७ विकेट गुमाउँदै १०२ रन मात्र बनाउन सक्यो। अफगानिस्तानका लागि फैसला खान र नजिबुल्लाह जादरानले समान ३०-३० रन जोडे भने नङ्गेयालिया खरोटेले १७ रनको योगदान दिए।
नेपालका लागि बलरहरूले उत्कृष्ट प्रदर्शन गरे। अलराउन्डर कुशल भुर्तेलले घातक बलिङ गर्दै ४ ओभरमा २१ रन खर्चेर ४ महत्त्वपूर्ण विकेट लिए। अर्का स्पिनर ललित राजवंशीले कसिलो बलिङ गर्दै ४ ओभरमा मात्र १३ रन दिएर ३ विकेट हात पारे।
१०३ रनको मध्यम लक्ष्य पछ्याएको नेपालको सुरुवात भने सहज रहेन। टोलीले पावरप्लेमै केही प्रारम्भिक विकेट गुमाएपछि दबाबमा परेको थियो।
तर, मध्य क्रममा सन्दीप जोरा र कप्तान रोहित पौडेलले सम्हालिएर ब्याटिङ गर्दै नेपालको जितको आधार तय गरे। सन्दीप जोराले ३५ बलमा ३४ रन बनाए भने कप्तान रोहित पौडेलले ३२ बलमा अविजित ३३ रनको योगदान दिए। यस्तै दीपेन्द्र सिंह ऐरीले १५ रन जोडे।
अफगानिस्तानका बलरहरू फरिदुन दाउदजाई, अरब गुल र अब्दुल्लाह अहमदजाईले समान १-१ विकेट लिए तापनि नेपाललाई जित निकाल्नबाट रोक्न सकेनन्।
यस जितसँगै नेपालले प्रतियोगितामा २ अङ्क जोड्दै सुखद सुरुवात गरेको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- दसैँको तेस्रो दिन: चन्द्रघण्टा देवीको ध्यान र उपासना
- आज कहाँ-कहाँ हुँदैछ वर्षा र हिमपात?
- आजको विनिमय दर निर्धारित
- इच्छाकामना अस्पताललाई ट्रमा सेन्टरका रूपमा विस्तार गर्न माग
- दसैँको रौनक: पहेँलपुर बन्यो आँबुखैरेनी
- नवरात्रको दोस्रो दिन: ब्रह्मचारिणी देवीको आराधना
- नेपाली काँग्रेस: उपसभापति र महामन्त्रीको मतपरिणाम सार्वजनिक
- आजका लागि विदेशी मुद्राको विनिमय दर
- गोरखामा बूढीगण्डकीको बाढी: ३५ घर बगे, चार गाउँमा व्यापक क्षति
- बडादसैँ सुरु: आज घरघरमा घटस्थापना, जमरा राखिँदै
