कृष्ण विष्ट/ बैतडी 
कृष्ण विष्ट/बैतडी
बैतडीको दशरथचन्द नगरपालिकाका उपप्रमुख कौशिला चन्दले प्राविधिक शिक्षा पढ्ने २२ जना विद्यार्थीलाई वार्षिक ५० हजार रुपैयाँ सहयोग गर्ने घोषणा गर्नुभएको छ।
बुधबार पत्रकार सम्मेलन गर्दै चन्दले आफूले पाउने पारिश्रमिकबाट हुन आउने रकमलाई ‘उपमेयर अक्षयकोष’ मा जम्मा गर्ने र त्यसबाट १२ छात्रा र १० छात्र गरी २२ जना विद्यार्थीलाई ५० हजारका दरले वार्षिक सहयोग गर्ने घोषणा गर्नुभएको हो।
एसईई उत्तीर्ण गरी प्राविधिक शिक्षा हासिल गर्न चाहने विद्यार्थीलाई यस कार्यक्रममा समेट्न लागिएको हो। नगरपालिकामा छनौट समिति गठन गरिने र उक्त समितिबाट छनौट भएका विद्यार्थीले सो रकम सहयोगस्वरुप पाउनेछन्। छनौटमा दलित विद्यार्थी १० जना हुनेछन् भने बाँकी आर्थिक अवस्था कमजोर भएका र लक्षित समूहका हुने बताइएको छ।
‘प्राविधिक शिक्षा आजको आवश्यकता नै भइसक्यो, धेरै विद्यार्थी यही धारको शिक्षा हासिल गर्न चाहन्छन्,’ उपप्रमुख चन्दले भन्नुभयो, ‘आर्थिक अवस्था कमजोर भएका र दलित तथा लक्षित वर्गका विद्यार्थीलाई यो छात्रवृत्ति कार्यक्रममा समेट्छु।’
आफू उपप्रमुखको जिम्मेवारीमा बसेको एक वर्ष भएको र यस अवधिमा पाएको सबै रकम उपमेयर कोषमा जम्मा गरिसेकेको चन्दको भनाइ छ।
‘आफ्नो कार्यकालमा पाउने सबै पारिश्रमिक तथा सेवा–सुविधाको रकम कोषमा जम्मा गरी परोपकारका क्षेत्रमा सहयोग गर्छु,’ उहाँले भन्नुभयो।
श्रोत: आइएनएस-स्वतन्त्र समाचार
कृष्ण विष्ट/ बैतडी का अन्य पोस्टहरु:
- नयाँ सहरको पुरानै काम : बनेका संरचना कुरूप, मुख्य काममा प्रवेश नै पाएन
- बैतडीमा अवैधानिक मेडिकलको बिगबिगी, स्वास्थ्यमाथि चरम लापरबाही
- बैतडीमा बुझ्न र बुझाउन नसकिएको ‘मर्यादित महिनावारी’
- बैतडीमा प्रसूतिलाई प्रदूषित पानी, स्वास्थ्यचौकीकै पानीट्यांकीमा भ्यागुता र चेपागाँडा !
- कौसाडीको दलित परिवार : खानेपानी नपाउँदा तीन दिन भोकै
- पालिकाले बलजफ्ती सडक खन्यो, महिनापछि पहिरोले आमाछोराको ज्यान गयो
- योजना नै नपरी सेवाग्राहीलाई गाउँपालिकको फोन, एकप्रति फोटोकपीको सय रुपैयाँ !
- ग्रामीण बजार मदिरा पसलले भरिए, सिसाले भरियो वातावरण
- बैतडीमा बालमैत्री संरचना, हाँस्दै खेल्दै पढ्न पाएपछि दंग बालबालिका
