सिताका आँखा अझै ओभानो हुन सकेको छैन। पति खक्काप्रसाद चौधरी भोटेकोशी बाढीका कारण सम्पर्क बिहीन भएको आज १४ दिन बितिसक्दा उनका आँखा ओभानो हुन नसकेका हुन्। “यही भदौ १० गते भोटेकोशी बाढीका कारण मेरा श्रीमान् बेपत्ता भए,” श्रीमती सिता थारुले गहँभरी आँसु झार्दै भनिन्। श्रीमानको चिन्तामा पीडित सिता दिनरात टोलाएर बस्छिन्, कतैबाट श्रीमान् टुप्लुक्क आइपुग्छन् की ! सिताको अझै आसा मरेको छैन। दसैँ खर्च जुटाउनका लागि नुवाकोट गएका थिए। घरको मुख्य व्यक्ति श्रीमान् नै बेपत्ता भएपछि सहरा बिहीन बनेको बताउँछिन्। बर्दियाकी सिताका दुई छोरी छन्। कञ्चन चौधरी १२ वर्षकी, कक्षा ६ मा पढ्छिन्, भने सानी छोरी सितल चौधरी पाँच वर्षकी …

भोटेकोशीको बाढी धेरै साम्य भयो तर त्यसले दिएको पीडा झन् बढ्दो छ। बाढीका कारण सम्पर्कविहीन भएकाहरूको परिवारमा रुवावासी र छट्पटी छ। घटनाको दुई साता बित्दासमेत सम्पर्कविहीन भएकाको कुनै नयाँ सूचना नआएपछि महोत्तरीका १० घरपरिवारमा अहिले सन्नाटा छ। “हे भगवान्, जे सजाय दिनुछ, मलाई देऊ ! गर्भमा हुर्किरहेको बच्चाले बाबुको काख पाओस्,” सम्पर्कविहीन पतिका बारेमा कुनै जानकारी प्राप्त नहुँदा विचलित बनेकी महोत्तरीको पिपरा–३ की इन्दिरा यादव जतिखेर पनि यस्तै पुकारा गरिरहेकी छन्। छ महिनाको गर्भ हुर्काइ रहेकी इन्दिराका पति विकासकुमार यादव यही भदौ १० गतेको भोटेकोशी बाढीका दिन आफू कार्यरत् त्रिशुली–३ ‘ए’ जलविद्युत् आयोजनाबाट सम्पर्कविहीन भएका हुन्। “म अब काममा जान्छु, …

युइएफए च्याम्पियनसिप लिगको नयाँ सिजन २०२६/२७ को पहिलो म्याचडे अन्तर्गतका खेलहरूमा युरोपका शीर्ष क्लबहरूले प्रभावशाली प्रदर्शन गरेका छन्। ३६ टोली सहभागी नयाँ लिग ढाँचा अन्तर्गत भएका सुरुआती खेलहरूमा बार्सिलोना, पेरिस सेन्ट-जर्मेन (पिएसजी) र आर्सनल जस्ता ठुला टोलीहरूले जित दर्ता गर्दै सुखद सुरुआत गरेका छन्। बार्सिलोनाको फराकिलो जित स्पेनिस जायन्ट एफसी बार्सिलोनाले घरेलु मैदान क्याम्प नाउमा डच क्लब फेयेनूर्डलाई ५–१ को फराकिलो अन्तरले पराजित गर्दै लिग तालिकाको शीर्ष स्थानतर्फ बलियो दाबेदारी प्रस्तुत गरेको छ। खेलको तेस्रो मिनेटमै राफिन्हाको गोलबाट अग्रता लिएको बार्सिलोनाका लागि करिम अदेयेमीले २२औँ मिनेटमा दोस्रो गोल गरे। दोस्रो हाफको ५७औँ मिनेटमा राफिन्हाले व्यक्तिगत दोस्रो गोल गरे भने ७७औँ …

मातृत्व र सुरक्षित सुत्केरीका लागि अनेकन् कार्यक्रम सञ्चालन गरिन्छ। जनचेतनाका लागि भन्दै राजधानी काठमाडौँ र देशका ठुला सहरमा गोष्ठी, सेमिनार पनि हुने गर्छन्। सचेतनाका अनेकन् कार्यक्रम सञ्चालन गरिएका छन्। सरकारले सुरक्षित मातृत्वका लागि सुनौला हजार दिनको कार्यक्रम सञ्चालन गर्दै आएको छ तर त्यस्ता कार्यक्रमले बाजुरामा हालसम्म प्रभाव पार्न नसकेको पाइएको छ।  दुर्गम क्षेत्रका गर्भवतीले सुत्केरी हुने समयमा अझै पनि ठुलो जोखिम मोल्नुपर्ने बाध्यता छ। नौ वटा स्थानीय तहका प्रायः वडामा आधारभूत स्वास्थ्य संस्थाको पहुँच छ तर विडम्बना, बाजुराका आमाले अझै बाटोमा बच्चा जन्माउनुपर्ने पीडादायी अवस्था कायम नै छ। यस्तै, पीडादायी व्यथाको सिकार बन्नुभयो– खप्तड छेडेदह गाउँपालिका–४ की २६ वर्षीया कमला …

मध्य पूर्वी क्षेत्रमा तनाव तीव्र भएसँगै अन्तर्राष्ट्रिय बजारमा कच्चा तेलको मूल्य प्रतिब्यारेल १०० अमेरिकी डलर नाघेको छ। गत जुलाईयता पहिलो पटक तेलको मूल्यले १०० डलरको बिन्दु पार गरेको हो। खाडी क्षेत्रमा अमेरिका र इरानबिच एक अर्काका तेल ट्याङ्करहरूमाथि भएका भिडन्त तथा साउदी अरबका तेल प्रशोधन केन्द्रहरूमाथि यमनका हुथी विद्रोहीहरूले गरेको आक्रमणपछि तेलको मूल्य बढेको हो। बुधवार दिउँसो कच्चा तेलको मूल्य अघिल्लो दिनको तुलनामा २.८३ प्रतिशतले वृद्धि भई प्रतिब्यारेल १००.७० डलर पुगेको छ। फेब्रुअरीमा अमेरिका र इजरायलको इरानसँग युद्ध सुरु हुनुअघि ब्रेन्ट क्रूड तेलको मूल्य प्रतिब्यारेल करिब ७० डलर रहेको थियो। खाडी क्षेत्रमा सैन्य तनाव र क्षति अमेरिकी सेनाको सेन्ट्रल कमान्ड …

इटालीको प्रसिद्ध फुटबल क्लब एएस रोमा र संयुक्त राष्ट्रसङ्घीय विश्व खाद्य कार्यक्रम (डब्लुएफपी) ले नेपालका बाढी पहिरो प्रभावित समुदायको सहयोगका लागि सहकार्यको घोषणा गरेका छन्। नेपालमा हालै गएको बाढी पहिरोका कारण उत्पन्न आपत्कालीन अवस्थाप्रति विश्वको ध्यान आकर्षण गर्न र राहत कोष जुटाउन रोमाले डब्लुएफपीसँग हात मिलाएको हो। यस पहलमार्फत सेप्टेम्बर १० (भदौ २५) मा हुने युरोपियन च्याम्पियनसिपअन्तर्गत फेनरबाहचेविरुद्धको खेलमा एएस रोमाका खेलाडीहरूले अगाडिपट्टि विश्व खाद्य कार्यक्रमको लोगो अङ्कित जर्सी लगाएर मैदानमा ओर्लिनेछन्। यस कार्यका लागि क्लबले मुख्य प्रायोजक ‘युरोबेट डट लाइभ’ लाई पनि धन्यवाद ज्ञापन गरेको छ। नेपालमा भीषण बाढी र पहिरोले धेरै बस्तीहरू प्रभावित भएका छन् भने कैयौँ समुदाय …