लोघेकर–दामोदरकुण्ड गाउँपालिका–४, घमीकी छिरिङ डोल्मा गुरुङ (५०) अचेल आफ्नै बारीमा फलेका ताजा ब्रोकाउली, जुकेनी र टमाटर टिपेर होटलका पाहुनालाई पस्किन्छिन्। फुस्रो पहाडको फेदीमा रहेको उनको करेसाबारी काउली, ब्रोकाउली, टमाटर, जुकेनी र रायोले भरिएको छ। बारागुङ मुक्तिक्षेत्र–३, छुक्साङकी छिमी गुरुङले पनि बारीमा काँक्रो र करेला फलाएकी छन्। ‘हिजो जस्तै लाग्छ, १२ दिन पैदल हिँडेर बेंसी पुगेपछि मात्रै हरियो तरकारी खान पाइन्थ्यो,’ डोल्माले विगत सम्झिइन्, ‘१३ वर्षकी हुँदा बाउको पछि लागेर जोमसोम, घोरेपानी, नौडाँडा हुँदै पोखरा गएकी थिएँ। पहिलो पटक हरियो तरकारी खाएको त्यहीँ हो। अहिले आफ्नै बारीमा तिनै तरकारी लटरम्म देख्दा सपना जस्तै लाग्छ।’ केही वर्षअघिसम्म आलु, फापर र उवा मात्र …

अकस्मात् परेको असिनासहितको वर्षाले नुवाकोटमा किसानले लगाएको धानबालीमा सामान्य क्षति पुर्‍याएको छ। बुधबार अपराह्न भएको वर्षा र असिनाका कारण काटेर खेतमै राखिएको धान तथा काट्न बाँकी रहेको धानबाली प्रभावित भएको हो। वर्षा र असिनाबाट भएको क्षतिको यकिन विवरण सङ्कलन गर्ने काम आगामी सोमबारदेखि सुरु गरिने जिल्ला कृषि विकास कार्यालय नुवाकोटले जनाएको छ। कार्यालय प्रमुख श्रीकृष्ण अधिकारीका अनुसार प्रारम्भिक जानकारीमा किसानले भित्र्याउन बाँकी राखेको धानबालीमा असर पुगेको पाइएको छ। जिल्लाका सबै स्थानीय तहका कृषि शाखासँग समन्वय गरी विवरण सङ्कलन गरेपछि मात्रै क्षतिको वास्तविक अवस्था यकिन हुने उनले बताए। कार्यालयका अनुसार यस वर्ष नुवाकोटमा करिब १५ हजार हेक्टर क्षेत्रफलमा धानखेती गरिएको थियो। …

विवाहपछिको सम्बन्धका शृङ्खलाबद्ध विवरणहरू सार्वजनिक भएपछि विश्वकै अग्रणी कृत्रिम बौद्धिकता (एआई) चिप निर्माता कम्पनी ‘एनभिडिया’ का प्रमुख कार्यकारी अधिकृत (सिइओ) जेन्सन हुवाङले पदबाट आकस्मिक राजीनामा दिएका छन्। सन् १९९३ मा कम्पनी स्थापना भएदेखि निरन्तर नेतृत्व गर्दै आएका ६३ वर्षीय हुवाङको यो अप्रत्याशित बहिर्गमनले सिलिकन भ्यालीदेखि अमेरिकी संसद सम्म तरङ्ग पैदा गरिदिएको छ। विवाद चर्किएसँगै एनभिडियाको सेयर बजार मूल्यमा भारी गिरावट आएको छ। पछिल्लो पाँच दिनमा मात्रै कम्पनीले ५५० अर्ब अमेरिकी डलर बराबरको बजार मूल्य गुमाएको छ, जुन २७ वर्षअघि सार्वजनिक भएयताकै सबैभन्दा ठुलो पाँच-दिने गिरावट हो। विगत पाँच वर्षमा ४७० प्रतिशतभन्दा बढीले उकालो लागेको एनभिडियाको सेयर मूल्य उच्च विन्दुबाट ३१ …

नेपाल प्रिमियर लिग (एनपिएल) अन्तर्गत आज शुक्रबार दुई रोमाञ्चक खेलहरू हुँदै छन्। त्रिवि अन्तर्राष्ट्रिय क्रिकेट मैदानमा हुने यी खेलहरूले प्रतियोगिताको समीकरणलाई थप रोचक बनाउनेछन्। काठमाडौँ गोर्खाज र सुदूरपश्चिम रोयल्सबिच प्रतिस्पर्धा आजको पहिलो खेल दिउँसो १२:३० बजे सुरु हुनेछ, जहाँ काठमाडौँ गोर्खाज र सुदूरपश्चिम रोयल्स आमनेसामने हुँदै छन्। प्रतियोगितामा आफ्नो स्थान बलियो बनाउन दुवै टोली मैदानमा स्पष्ट जितको लक्ष्यसहित उत्रनेछन्। यस खेलमा अनुभवी खेलाडीहरूको प्रदर्शन मुख्य आकर्षण रहनेछ। जनकपुर बोल्ट्स र चितवन राइनोज भिड्दै दोस्रो खेलमा अपराह्न ५:०० बजे जनकपुर बोल्ट्स र चितवन राइनोजबिच प्रतिस्पर्धा हुनेछ। दुवै टोली उत्कृष्ट प्रदर्शन गर्दै अङ्क तालिकामा महत्त्वपूर्ण अङ्क बटुल्ने दाउमा छन्। यस खेललाई निकै प्रतिस्पर्धात्मक रूपमा …

नेपाल प्रिमियर लिग (एनपीएल) सिजन–३ अन्तर्गत बिहीबार कीर्तिपुरस्थित त्रिवि अन्तर्राष्ट्रिय क्रिकेट मैदानमा सम्पन्न दुई रोमाञ्चक खेलमा लुम्बिनी लायन्स र विराटनगर किङ्सले आ–आफ्नो खेलमा ४ विकेटको सानदार जित हात पारेका छन्। यस नतिजासँगै लुम्बिनी लायन्स लिगको शीर्षस्थानमा उक्लिँदै प्लेअफमा स्थान सुरक्षित गर्न सफल भएको छ भने विराटनगर किङ्सले शीर्ष चारमा रहेर प्लेअफ खेल्ने सम्भावनालाई जीवितै राखेको छ। सन्दीपको कीर्तिमानी ६ विकेटसँगै विराटनगरको जित बिहीबारको पहिलो खेलमा विराटनगर किङ्सले पोखरा एभेन्जर्समाथि ४ विकेटको रोमाञ्चक जित निकाल्यो। टस जितेर पहिले ब्याटिङ रोजेको पोखराले युवराज सिंह सामराको आक्रामक ब्याटिङ (४७ बलमा ८४ रन) का बाबजुद १७.५ ओभरमा अलआउट हुँदै १३२ रन मात्र बनाउन सक्यो। …

दीपावली पर्व सकिएसँगै कात्तिक शुक्ल चतुर्थी अर्थात् आजदेखि सुरु हुँद गरेको छठ पर्वका अवसरमा महोत्तरीसहित मिथिला क्षेत्रका गाउँबस्ती र बजारमा चहलपहल बढेको छ। चार दिनसम्म मनाइने यस पर्वको तयारीमा स्थानीयवासी जुटेका छन्। आस्था, निष्ठा र भक्तिको पर्व मानिने छठको तयारीस्वरूप मिथिला क्षेत्रका घरघरमा छठका गीत गुञ्जिन थालेका छन्। सूर्यदेव र षष्ठीदेवी ९छठीमाता० को महिमा गाइने भक्तिगीतले मिथिलाको वातावरण छठमय बनेको छ। पर्वको तयारीका लागि स्थानीयवासी नदीकिनार, पोखरी तथा धार्मिक महत्वका जलाशयमा छठघाट निर्माण र सरसफाइमा जुटेका छन्। विशेषगरी युवा छठघाट निर्माण तथा सजावटमा सक्रिय देखिएका छन्। बाँसका भाटा र झिक्रा प्रयोग गरी बनाइएका घरका भित्ता लिपपोत तथा रङरोगन गरेर सजाउने …