आईसीसी क्रिकेट विश्वकपको उपाधिका लागि घरेलु टोली भारत र अष्ट्रेलियाबीच आज प्रतिस्पर्धा हुँदैछ । फाइनल खेल अहमेदवादस्थित नरेन्द्र मोदी स्टेडियममा नेपाली समय अनुसार दिउँसो सवा २ बजे सुरु हुनेछ ।
सेमिफाइनल खेलमा भारतले न्युजिल्याण्डलाई र अस्ट्रेलियाले दक्षिण अफ्रिकालाई हराएर फाइनलमा स्थान बनाएका थिए ।
विश्व कप क्रिकेटमा अष्ट्रेलिया सर्वाधिक सफल टोली हो । यसअघिका १२ संस्करण आयोजना हुँदा अष्ट्रेलियाले ५ पटक जितेको छ । भारत र वेष्ट इन्डिजले समान २ तथा पाकिस्तान, श्रीलंका र इग्ल्यान्डले समान १ पटक जितेका छन् ।
आजको फाइनल खेल भारतको चौथो र अष्ट्रेलियाको आठौं हो । पछिल्लो पटक यि दुई टोलीबीच सन् २००३ को फाइनल खेल भएको थियो । त्यसपछि का विश्व कपमा भारत २०११ र अष्ट्रेलिया २०१५ को विजेता टोली हो ।
सन् २००३ को फाइनलमा दुवै टिम आमने सामने भएका थिए । सो खेल अष्ट्रेलियाले एकतर्फी रुपमा जितेको थियो । यस पटक भारतीय टिम २० वर्ष पुरानो हारको बदला लिने योजनामा छ । घरेलु मैदानमा उत्कृष्ट फर्ममा देखिएको भारतका लागि अवसर पनि छ । लगातार १० खेलमा जित निकाल्न सफल भारत फाइनलको उपाधि भिडन्त आफ्नो पक्षमा पार्न चाहन्छ ।
भारतीय भारतीय कप्तान रोहित शर्माले भने – ‘खेल निकै रोमाञ्चक हुनेछ । दुवै टिम फाइनलका हकदार हुन् । हामीलाई थाहा छ, अष्ट्रेलिया के गर्न सक्छ भनेर । तर हाम्रो नजर आफ्नै प्रर्दशनमा छ । हामीलाई विपक्षी टिममा ध्यान दिन जरुरी छैन । हामी हाम्रो योजनामा केन्द्रित छौँ ।’
त्यस्तै अष्ट्रेलियन कप्तान पेट कमिन्सले भने – ‘भारतीय ब्याट्सम्यान रोहित शर्मा र विराट कोहलीलाई आउट गर्ने विशेष योजना आफुहरुसँग रहेको बताउँदै मोहमद सामीबाट बच्न जरुरी रहेको उल्लेख गरे । हाम्रो टिममा चोटको समस्या छैन । खेलाडीसँग ठुलो म्याच खेल्ने र दबाब झेल्ने अनुभव छ ।’
हेड टु हेड
यि दुई टोलीले एकदिवसीय क्रिकेटमा जम्मा १ सय ५० पटक आमनेसामने भएका छन् । त्यसमध्य अष्ट्रेलियाले ८३ र भारतले ५७ खेल जितेको छ । विश्वकपमा १३ पटक आमने सामने भएका छन् । अस्ट्रेलियाले ८ र भारतले ५ पटक जितेको छ । यो विश्वकपमा यि दुई टोलीको पहिलो खेल भारतले जितेको थियो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मानव बेचबिखनको शैली फेरियो : ‘कहाँ जाने बहिनी भनेर सोध्यो भने दार्जिलिङ घुम्न जान हिँडेको भन्छन् ’
- केन्याको विद्यालयमा आगलागी हुँदा १७ बालबालिकाको मृत्यु
- आशा जगाउँदैछ कृषि औजार कारखाना
- हेर्ने कथाका पात्र ‘प्रकाश तामाङ’ को घर निर्माण सुरु
- प्रतिद्वन्द्वी ट्रम्पसँग हुने बहसको तयारीमा ह्यारिस
- दलालको फन्दामा परेर बेचिएका चेलीहरु जो उद्धारपछि बन्दैछन् आत्मनिर्भर
- यातायात कार्यालय झापाद्वारा ९३ करोड राजस्व सङ्कलन
- इराकको कुर्द क्षेत्रमा ड्रोन आक्रमण, तीन जनाको मृत्यु
- मेलम्ची बाढिपीडितले पाएका छैनन् अनुदानबापतको रकम
- मासिँदै कालीगण्डकीको जलसभ्यता
![](https://ins.news/wp-content/uploads/2023/11/final-cricket.jpg)