इन्डियन प्रिमियर लिग (आईपीएल) २०२६ को ४८औँ खेलमा चेन्नई सुपर किंग्स (CSK) ले दिल्ली क्यापिटल्स (DC) लाई ८ विकेटले पराजित गर्दै प्लेअफको सम्भावनालाई थप बलियो बनाएको छ। मंगलबार दिल्लीको अरुण जेटली रङ्गशालामा भएको खेलमा चेन्नईले ब्याटिङ र बलिङ दुवैमा एकपक्षीय प्रदर्शन गर्दै दिल्लीलाई सहजै हरायो।
टस जितेर पहिले ब्याटिङ रोजेको दिल्ली क्यापिटल्सले निर्धारित २० ओभरमा ७ विकेट गुमाएर १५५ रन मात्र बनाउन सक्यो। सुरुवाती ओभरहरूमा चेन्नईका बलरहरूले कसिलो बलिङ गर्दै दिल्लीका शीर्ष क्रमका ब्याट्सम्यानहरूलाई पभेलियन फर्काएका थिए। एक समय ६९ रनमा ५ विकेट गुमाएर सङ्कटमा परेको दिल्लीका लागि ट्रिस्टन स्टब्स (३८) र समीर रिजवी (४०*) ले छैटौँ विकेटका लागि ६५ रनको साझेदारी गर्दै टोलीलाई सम्मानजनक स्कोरसम्म पुर्याएका थिए। चेन्नईका लागि नुर अहमदले २ तथा अकिल हुसेनले १ विकेट लिएर दिल्लीको रन गतिलाई नियन्त्रणमा राखेका थिए।
१५६ रनको लक्ष्य पछ्याएको चेन्नईले सुरुवातमा कप्तान रुतुराज गायकवाडलाई गुमाए पनि सञ्जु स्यामसनको उत्कृष्ट ब्याटिङका अगाडि दिल्लीका बलरहरू निरीह देखिए। स्यामसनले ५२ बलमा अविजित ८७ रनको म्याच-विनिङ इनिङ खेल्दै टोलीको जित सुनिश्चित गरे। उनलाई अर्को छेउबाट कार्तिक शर्माले ४१ रन बनाएर राम्रो साथ दिए। यी दुईबिच भएको अविजित ११४ रनको साझेदारीले चेन्नईलाई १७.३ ओभरमै १५९/२ को स्थितिमा पुर्याउँदै जित दिलायो।
यस जितसँगै चेन्नईले अङ्क तालिकामा आफ्नो स्थान सुधार गरेको छ भने प्लेअफको दौडमा आफूलाई यथावत राखेको छ। दिल्लीका लागि भने यो हारले प्लेअफको बाटो कठिन बनेको छ। खेलमा उत्कृष्ट प्रदर्शन गरेका सञ्जु समस्या ‘प्लेयर अफ द म्याच’ घोषित भए।
चेन्नईले यस सिजनमा दिल्लीविरुद्ध आफ्नो दबदबा कायम राख्दै प्रतियोगितामा थप लय समातेको छ। अब चेन्नईका समर्थकहरू आफ्नो टोलीको बाँकी खेलहरूमा पनि यस्तै प्रदर्शनको अपेक्षा गरिरहेका छन्।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- प्रधानमन्त्री बालेन्द्र शाह आज भारत भ्रमणमा जाँदै: आर्थिक सहकार्य, हवाई मार्ग र पूर्वाधार विकास मुख्य एजेन्डा
- सुदूरपश्चिम रोयल्स बन्यो एनपीएल सिजन–३ को च्याम्पियन: लुम्बिनी १० विकेटले पराजित
- मङ्सिर १६ देखि सुरु हुने दसौँ राष्ट्रिय खेलकुदको तोकियो खेलस्थल
- देशभर अधिकांश भूभागमा मौसम सफा, केही ठाउँमा वर्षा र हिमपात हुन सक्ने
- आइतबारका लागि डलर, युरो, पाउन्ड र कुवेती दिनारको विनिमयदर सार्वजनिक
- उत्पादन बढे पनि घट्यो चिराइतोको भाउ, किसान निराश
- फिफा अध्यक्षको निर्वाचन २०२७ : इन्फान्टिनोलाई फ्रान्सका डियालो र जापानका ताशिमाको चुनौती
- यूएनएफपीए प्रतिवेदन: युवालाई आत्मनिर्भर बन्न र परिवार बसाउन बढ्दो चुनौती
- एनपीएल २०२६ : फाइनलमा आज कीर्तिपुरमा लुम्बिनी लायन्स र सुदूरपश्चिम रोयल्स भिड्दै
- कन्याममा सुरु हुँदै प्रथम सूर्योदय चिया महोत्सव