स्वतन्त्र समाचार सेवा / INS राष्ट्रपति रामचन्द्र पौडेललाई थप उपचारका लागि भारतको दिल्ली लैजाने तयारी भएको छ।
मंगलबार बेलुकी त्रिवि शिक्षण अस्पताल महाराजगञ्जमा भर्ना भएका पौडेललाई श्री एयरलाइन्स मार्फत् नयाँदिल्ली लैजाने तयारी थालिएको हो ।
लामो समय औषधि सेवन गर्दा पनि छातीको संक्रमण कम नभएपछि उपचारमा संलग्न चिकित्सकले थप उपचारका लागि भारत लैजाने सुझाएको राष्ट्रपति पौडलेको सचिवालयले जनाएको छ ।
यसअघि पेटमा समस्या देखिएपछि राष्ट्रपति पौडेल १८ चैतमा पाँच दिन त्रिवि शिक्षण अस्पतालमा भर्ना हुनुभएको थियो। त्यसको फलोअपका लागि उहाँ सोमबार पुनः अस्पताल पुग्नुभएको थियो, सोही क्रममा उहाँलाई थप उपचारको लागि भारत लैजान सुझाएको हो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
