स्वतन्त्र समाचार सेवा / INS 
भीषण वर्षा र भारतले छोडेको पानीका कारण पाकिस्तानमा ८६ जनाको मृत्यु भएको छ। यस्तै १५१ जना घाइते भएका छन्। वर्षाकै कारण पछिल्लो २४ घण्टामा ६ जनाले ज्यान गुमाएका छन्।
पाकिस्तानी प्रधानमन्त्री साहबाज सरिफले सम्बन्धित मन्त्रालय तथा निकायलाई सर्वसाधारणको सुरक्षाका लागि निर्देशन दिनुभएको छ। पाकिस्तानी सञ्चारमाध्यम ‘डन’का अनुसार भारततर्फबाट आइरहेको पानीको बहावले पाकिस्तानको सतुलज नदीको सतह १६ फिट बढेको छ।
डिजास्टर म्यानेजमेन्ट अथोरिटी (एनडिएमए) ले पाकिस्तानमा बाढी आउने सम्भावना ७५ प्रतिशत रहेको जनाएको छ। मौसम पूर्वानुमानका लागि १७ स्याटेलाइट र ३६ वार्निङ सिस्टममाथि विशेष निगरानी राखिएको बताइएको छ।
एनडिएमएका अध्यक्षका अनुसार गत वर्षझैं यो वर्ष पनि बाढी आयो भने देशको अर्थतन्त्र थप खराब हुने बताउनुभयो। पन्जाब र खैबर पख्तुनख्वा सर्वाधिक प्रभावित इलाका हुन्। वर्षाका कारण पन्जाबमा ५२ र पख्तुनख्वामा २० जनाको मृत्यु भइसकेको छ।
‘डन’ को रिपोर्टअनुसार भारतले सोमबारदेखि पन्जाबको फिरोजपुरबाट ६५ हजार क्युसेक पानी छोडेको छ। यो पानी पाकिस्तानको कसुर जिल्लामा १९ घण्टाभित्र पुग्छ। यसले थप विनाश निम्त्याउने बताइएको छ।
पाकिस्तानमा जनताको उद्धारमा मोटरबोट तैनाथ छ भने कैयौँ इलाकामा उद्धार क्याम्प पनि लगाइएको छ। साथै नदी किनार आसपासका बासिन्दालाई २४ घण्टाभित्र निकाल्ने तयारी रहेको छ।
गत वर्ष भारतले पाकिस्तानतर्फ एक लाख ७२ हजार क्युसेक पानी छोडेको थियो। यो वर्ष अहिलेसम्म एक लाख ८२ हजार क्युसेक पानी छोडिसकेको छ।
गत वर्ष (सन् २०२२) पाकिस्तानमा आएको बाढीले आर्थिक संकटमा फसेको पाकिस्तानलाई थप कमजोर बनाएको थियो। यस्तै ३० अर्ब डलरबराबरको क्षति भएको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- आदालतद्वारा रवि लामिछानेलाई धरौटीमा रिहा गर्न आदेश, समर्थकबीच खुसीको माहोल
- उत्तरी सिरियामा टर्कीए र कुर्दिश सेनाबीच झडप, ३७ जनाको मृत्यु
- खोटाङकाे बुइपामा कोक, जुस, वियरलगायत आयातित पेयपदार्थमा प्रतिबन्ध
- अमेरिकाको लस एन्जेलसमा भीषण आगलागी, अहिलेसम्म पाँच जनाको मृत्यु
- सूर्यदर्शन सहकारी बचत अपचलन : प्रतिवादीहरूको थुनछेक बहस जारी
- भूकम्पको मनोवैज्ञानिक असर कायमै, संयम अपनाउन आग्रह
- पाथीभरासहित ताप्लेजुङका उच्च हिमाली क्षेत्रमा हिमपात
- हमासलाई ट्रम्पको चेतावनी
- लस एन्जलिसको डढेलो तीव्र गतिमा फैलिँदै, हजारौँ मानिस घर छाडेर भागे
- ट्रम्पको होटल अगाडि च्याटजीपीटी एआईमार्फत विस्फोट गराइएको थियो साइबरट्रक
