स्वतन्त्र समाचार सेवा / INS 
लेबनान विरुद्ध सावित्रा साम्बा भण्डारी र प्रीति राईले गरेका २ गोलका कारण नेपाली महिला टोली साउदी अरेबियामा भइरहेको वाफ वुमन्स च्याम्पियनसिपको फाइनलमा पुगेको छ।
सेमिफाइनल दोस्रो भिडन्तमा पहिलो हाफमा नेपाल निकै पछि परेको थियो तर दोश्रो हाफमा नेपालले लेबनानलाई २-१ ले हरायो। अब नेपाल फाइनलमा यस अघिका विजेता जोर्डनसँग उपाधिका लागि भिडने छ।
खेल पछि पत्रकारसँग कुरा गर्दै पहिलो हाफमा मैदान र बलसँग अलि तालमेल गर्न नसकेकाले पछाडी परेको प्रीति राईले वताइन।
जेहादस्थित प्रिन्स अब्दुल्लाह अल फैजल स्पोर्ट्स सिटी स्टेडियममा भएको खेलमा नेपालका लागि सावित्रा भण्डारी साम्बा र प्रीति राईले एक-एक गोल गरेका हुन। पहिलो हाफमा भने लेबनान अगाडी थियो। नेपाली गोलरक्षक अन्जिलासँग तालमेल बिग्रिँदा खेलको ३८औं मिनेटमा पूजा रानाले आत्मघाती गोल गरेकी थिइन्।
पहिलो हाफसम्म १-० ले पछि परेको नेपालको खेल दोस्रो हाफमा तालमा फर्कियो। खेलको ७६औँ मिनेटमा सावित्रा साम्बा भण्डारीले विपक्षी खेलाडीले डी बक्सभित्रबाट क्लियर नगरेको बललाई गोल गरिन। यसको केही क्षणअघि साम्बाको सट लेबननी किपरले बचाएकी थिइन्।
नेपाली मिडफिल्डर प्रीति राईले निर्णायक गोल खेलको इन्जुरी समयको अन्तिम मिनेटमा गरिन्। कर्नर बललाई लेबननी बचाएर पठाएको डी बक्सबाहिरबाट उनले प्रहार गरेको सट सिधै पोष्टभीत्र छिर्यो। अब नेपालले फाइनलमा साविक विजेता जोर्डनसँग यही बिहीबार प्रतिस्पर्धा गर्नेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- नासाको अध्ययनले पृथ्वीका नदीहरूको नयाँ विश्वव्यापी लेखाजोखा प्रदान गर्ने
- सुनकोसी मरिण डाइभर्सन : सुरुङ निर्माण सम्पन्न, वैशाख अन्तिम साता ‘ब्रेक थ्रू’
- बिजुली निकासी गर्न खै त प्रसारण लाइन?
- कर्जा असुली दबाबमा रहेको हुँदा निष्क्रिय कर्जा अनुपात केही बढेको हो: गभर्नर
- मनोरञ्जन क्षेत्रका महिला जोखिमपूर्ण अवस्थामा
- ऊर्जा सुरक्षाका लागि ऊर्जा मिश्रण
- अभिनय सिकेर बोक्सीको घरमा काम गरेकी हुँ: केकी
- व्यवस्थालाई नै भारी बोकाएर खराब बनाउने काम नगरौँः मन्त्री शर्मा
- भयावह बन्दै डढेलो
- भरतीय सर्वोच्च अदालतद्वारा जलवायु परिवर्तनको प्रतिकूल प्रभावबाट मुक्त हुन पाउने अधिकारलाई मान्यता
