स्वतन्त्र समाचार सेवा / INS भारत सिक्किमको ड्रयागन फुटबल क्लब ‘विराट गोल्डकप फुटबल’ प्रतियोगिताको सेमिफाइनलमा प्रवेश गरेको छ। विराट गोल्ड कप ट्रष्टले विराटनगरको सहिद रङ्शालामा आयोजना गरेको रात्रिकालीन प्रतियोगिताअन्तर्गत १८ चैतमा राति भएको खेलमा डे«गन फुटबल क्लबले काठमाडौँको न्यूरोड टिम (एनआरटी)लाई २–१ गोलअन्तरले पराजित गरेको हो।
सिक्किमका लागि ह्यारिसन र आदर्श तामाङले एक एक गोल गरेका थिए । यस्तै एनआरटीका लागि शिशिर लेखीले एक गोल गरेका थिए।
मध्यान्तर आगाडि खेलको ४०औँ मिनेटमा शिशिरले गोल गरी एनआरटीलाई अग्रता दिलाएका थिए। यस्तै खेलको ५९औँ मिनेटमा सिक्किमका ह्यारिसनले गोल गरी खेल बराबरीमा पुर्याएका थिए।
निर्धारित ९० मिनेटको खेल एक–एक गोलको बराबरी भएपछि ३० मिनेटको अतिरिक्त समयको अन्त्यतिर एक सय १९औँ मिनेटमा सिक्किमका आदर्श तामाङले विजयी गोल गरी आफ्नो टोलीलाई सेमिफाइनमा पुर्याएका थिए। उनी आजको खेलको ‘प्लेयर अफ दी म्याच’ घोषित भए। तामाङले रु ११ हजार पुरस्कार प्राप्त गरे।
१९ चैत सोमबार चर्च ब्वाइज युनाइटेड र सशस्त्र प्रहरी बलको एपिएफ क्लबबीच खेल हुनेछ। प्रतियोगिताको विजेता टोलीले रु ११ लाख तथा उपविजेताले रु पाँच लाख ५० हजार पुरस्कार प्राप्त गर्नेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पाथीभरालाई विश्व सम्पदा सूचीमा समावेश गर्न पहल गरिने
- पर्यटकीय घलेगाउँ
- एनपिएल विजेता खेलाडी ट्रफीको साथमा रमाउँदै
- भगवती कोत मन्दिर
- त्रिवेणीधाम
- सापुल्ली गाउँ
- हिउँ बिनाको सिस्ने हिमाल
- बागमती प्रदेशमा धान उत्पादन घट्यो
- फ्रान्सको सबैभन्दा शक्तिशाली आणविक उर्जा भट्टीद्वारा सेवा सुरु
- राहदानी बनाउन माल्टाबाट ६५० को आवेदन, एक करोड बढी राजस्व सङ्कलन
