स्वतन्त्र समाचार सेवा / INS 
महालेखापरीक्षकको कार्यालयसँगको सहकार्यमा नागरिक संस्था फ्रिडम फोरमद्धारा विराटनगर र नेपालगञ्जमा आयोजित कार्यमूलक लेखापरीक्षणमा नागरिक सहभागिता तालिम कार्यक्रम सफलतापूर्वक सम्पन्न भएको छ । विराटनगर र नेपालगञ्जमा सम्पन्न सो तालिम कार्यक्रमले ९५ जना सक्रिय नागरिक अडिटर तयार पार्नुका साथै कार्यमूलक लेखापरीक्षणका क्षेत्रमा काम गर्ने देशव्यापी एक अनौपचरिक सञ्जाल पनि निर्माण गर्ने निष्कर्शमा पुगेको छ । पारदर्शीता, जवाफदेहीता र नागरिक अधिकारका क्षेत्रमा काम गरेका नागरिक संस्थाका प्रतिनिधिहरूले यो विषयलाई आगामी दिनमा सक्रियताका साथ अगाडि बढाउने प्रतिबद्धता व्यक्त गरे ।
यही चैत्र ६–८ सम्म विराटनगरमा भएका तालिममा ४७ र चैत्र १०–१२ सम्म नेपालगञ्जमा भएकोमा ४८ गरी जम्मा ९५ नागरिक संस्थाका प्रतिनिधिको सहभागिता रहेको थियो । सो मध्ये ३६ जना महिला (३९प्रतिशत) र सहभागी थिए ।
तीन दिने सो तालिम कार्यक्रममा लेखापरीक्षण र कार्यमूलक लेखापरीक्षणको चक्र, लेखापरीक्षणमा नागरिक सहभागिताको परिभाषा, सिद्धान्त, उद्देश्य, क्षेत्र र फाइदा तथा यसका अभ्यास लगायतका विषय समावेश गरिएका थिए । त्यसैगरी नेपालमा कार्यमूलक लेखापरीक्षणमा नागरिक सहभागिताको संस्थागत प्रवन्ध, गुनासो व्यवस्थापन संयन्त्र, कार्यमूलक कार्यमूलक लेखापरीक्षणमा नागरिक सहभागिताका विषय छनौट र नागरिक पृष्ठपोषण, नागरिक संस्थाको योग्यता र छनौट प्रक्रिया र कार्यमूलक लेखापरीक्षणमा नागरिक सहभागितामा प्रमाण संकलनका लागि प्रयोग हुने सामाजिक जवाफदेहिता औजारहरूका विषयमा विभिन्न सत्रमा तालिम संचालन गरिएको थियो । यसका अतिरिक्तनेपालका विभिन्न विषयगत क्षेत्रमा सम्पन्न गरिएका कार्यमूलक लेखापरीक्षणका नतिजा र सुझाव पनि प्रस्तुत गरिएको थियो । सहभागिहरूले कार्यमूलक लेखापरीक्षणमा नागरिक सहभागिता अभिवृद्धिका चुनौती र सुधारका विषयमा पनि सहभागितामूलक तरिकाले पृष्ठपोषण गरेका थिए ।
सो तालिम कार्यक्रमलाई महालेखापरीक्षकका नायब महालेखापरीक्षक, फ्रिडम फोरमका विषय विज्ञ, इवाईका विशेषज्ञ र भारतीय महालेखापरीक्षक कार्यालयका पूर्व नायव महालेखापरिक्षकले सहजीकरण गर्नुभएको थियो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- सूर्यदर्शन सहकारी बचत अपचलन : प्रतिवादीहरूको थुनछेक बहस जारी
- भूकम्पको मनोवैज्ञानिक असर कायमै, संयम अपनाउन आग्रह
- पाथीभरासहित ताप्लेजुङका उच्च हिमाली क्षेत्रमा हिमपात
- हमासलाई ट्रम्पको चेतावनी
- लस एन्जलिसको डढेलो तीव्र गतिमा फैलिँदै, हजारौँ मानिस घर छाडेर भागे
- ट्रम्पको होटल अगाडि च्याटजीपीटी एआईमार्फत विस्फोट गराइएको थियो साइबरट्रक
- उनन्तीस वर्षदेखि ओडारमा व्यापार
- क्यानडाका प्रधानमन्त्री ट्रुडोले दिए राजीनामा, एलन मस्कको प्रतिक्रिया
- चीन केन्द्रबिन्दु भएर ७ म्याग्निच्युडको भूकम्प
- बढ्यो काठमाडौँ उपत्यकाको वायु प्रदूषण
