स्वतन्त्र समाचार सेवा / INS 
जलवायु परिवर्तन न्युनीकरणको नारा बोकेर नयाँ वर्ष २०७९ को दिन इलेक्ट्रिक साइकलबाट विश्वभ्रमणमा निस्किएका यात्री शुभप्रसाद शर्मालाई राष्ट्रिय प्रजातन्त्र पार्टी (राप्रपा) को भातृ संगठन राष्ट्रिय युवा मोर्चाले सम्मानसहित विदाई गरेको छ ।
राप्रपाको पार्टी कार्यालय धुम्बाराहीमा आयोजित एक कार्यक्रममा पार्टीका उपाध्यक्ष एवम् सचिवालय प्रमुख हेमजङ्ग गुरुङले टिका र खादा ओढाएर यात्री शर्मालाई शुभकामना दिनुभयो । उपाध्यक्ष गुरुङले साइकलयात्री शर्माको अभियानको सफलताको कामना गर्दै स–सम्मान विदाई गर्नुभयो ।
विश्व साइकलयात्री शर्मालाई राष्ट्रिय युवा मोर्चाका संयोजक सूरज कुमार पाण्डेले पार्टीका तर्फबाट १५ हजार नगद र मायाको चिनो समेत हस्तान्तरण गर्नुभयो ।
आगामी पाँच वर्षभित्र विद्युतीय साइकलबाटै संसारका १ सय ५० देशको भ्रमण गर्दै विश्वभर ५ सयवटा रूख रोप्ने लक्ष्य लिएर साइकलयात्री शुभप्रसाद शर्माले नयाँ वर्षको दिन बिहिवार काठमाडौंबाट आफ्नो यात्राको थालनी गरिसक्नु भएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- विकासको मूल प्रवाहबाट टाढा डडेलधुराको पलगडी गाउँको कथा
- सबैले वन बढेको देख्छन्, तर वनको छेउमा बस्नेको पीडा कसैले देख्दैनन्
- तीन जिल्लाको सङ्गमस्थलमा रहेको विश्वकै ठूलो शालिग्राम शिला डुबानमा
- एआईको आगामी ठुलो क्रान्ति: सिलिकन भ्यालीबाट होइन, उदीयमान बजारबाट हुने सङ्केत
- खाद्य लेबलिङ विवाद: युरोपेली सङ्घको पारदर्शितामाथि प्रश्न उठाउँदै सर्वोच्च अदालतमा मुद्दा
- कोसीमा जलस्तर बढेपछि ब्यारेजका ५६ मध्ये २० वटा ढोका खुल्ला
- आजका लागि विदेशी मुद्राको विनिमय दर
- मौसम अपडेट: आज कहाँ-कहाँ हुँदैछ भारी वर्षा?
- सैन्य क्षेत्रमा एआईको होडबाजी र बढ्दो वैश्विक चुनौती: प्रतिबन्ध र नियमनका लागि कडा प्रयास
- इलाममा ड्रागन फ्रुटको ‘क्रेज’: बगानमै आउँछन् व्यापारी
