स्वतन्त्र समाचार सेवा / INS 
संघीय संसद् राष्ट्रिय सभाको बैठक आज बस्दैछ। आज अपराह्न १:१५ बजेका लागि तय भएको बैठकमा गृहमन्त्री सुधन गुरुङले मन्त्रालयसँग सम्बन्धित मौखिक प्रश्नको उत्तर दिने कार्यसूची छ।
यस्तै, शिक्षा तथा खेलकुद मन्त्री सस्मित पोखरेलले मन्त्रालयसँग सम्बन्धित प्रश्नको उत्तर दिने सम्भावित कार्यसूची रहेको संघीय संसद् सचिवालयले जनाएको छ।
यसैगरी, राष्ट्रिय सभा सदस्य कमला पन्तले ‘मनसुनजन्य विपद् व्यवस्थापनमा सरकारको पूर्वतयारी सम्बन्धमा’ गृहमन्त्रीको ध्यानाकर्षण गराउने प्रस्ताव प्रस्तुत गर्ने छिन्।
राष्ट्रियसभा अध्यक्ष नारायणप्रसाद दाहालले संविधानसभा सदस्य, प्रतिनिधिसभाका पूर्वसदस्य एवं पूर्वउपप्रधानमन्त्री गोपालमान श्रेष्ठको निधनमा शोक प्रस्ताव प्रस्तुत गर्ने कार्यसूची छ।
त्यसैगरी, शिक्षा, स्वास्थ्य तथा सूचना प्रविधि समितिको बैठक अपराह्न २:०० बजे बस्दैछ। समितिको बैठकमा ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१’ का सम्बन्धमा छलफल हुने कार्यक्रम छ। समितिको बैठकमा विज्ञान, प्रविधि तथा नवप्रवर्तनमन्त्री महावीर पुनलाई आमन्त्रण गरिएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- विद्युत् प्राधिकरणलाई १ अर्ब रुपियाँभन्दा बढीको दायित्व सिर्जना हुने जोखिम
- अनुकूल वर्षा र सिँचाइले मधेसमा रोपाइँ सन्तोषजनक
- आज शनिबारका लागि विदेशी मुद्राको विनिमय दर
- मौसम अलर्ट: बागमती, कोशी र कर्णालीमा भारी वर्षाको सम्भावना
- देशभरका एक दर्जनभन्दा बढी सडक अवरुद्ध, सतर्कता अपनाउन अपिल
- राष्ट्रिय सूचना आयोगमा पदाधिकारीका लागि दरखास्त आह्वान
- प्रतिनिधि सभाको बैठक आज बस्दै
- आज शुक्रबारका लागि विदेशी मुद्राको विनिमय दर
- मौसम अपडेट: उच्च हिमाली क्षेत्रमा हिमपात, पहाड र तराईमा मध्यम वर्षा
- आजका लागि कृषि उपजको अधिकतम थोक मूल्य
