स्वतन्त्र समाचार सेवा / INS जापान जस्तो अति विकसित देशमा समेत जापानमा रहेका विदेशी नागरिकहरूका बालबालिकामध्ये ६ प्रतिशत बालबालिकाले विद्यालय भर्ना नगरेको आश्चर्यजनक तथ्यांक सार्वजनिक भएको छ ।
जापानको शिक्षा मन्त्रालयले सन् २०२२ मा गरेको सर्वेक्षण अनुसार जापानमा रहेका आप्रवासीहरूका एक लाख ३६ हजार ९२३ बालबालिकाहरू प्राथामिक तथा आधारभूत शिक्षाका लागि विद्यालय जान योग्य देखिएका छन् ।
तर, शनिबार सार्वजनिक गरिएको मन्त्रालयको सर्वेक्षण प्रतिवेदन अनुसार त्यस्ता बालबालिकामध्ये ८ हजार १८३ जना विद्यालय भर्ना भएका छैनन् ।
जापानको शिक्षा मन्त्रालयले ठूलो सङ्ख्यामा विद्यालय बाहिर बालबालिका रहनुलाई चिन्ताजनकरूपमा लिदैँ त्यस्ता बालबालिकाहरूको विद्यालय भर्नाको लागि उनीहरूको अभिभावकलाई उचित सूचना दिने अभियान सुरु गरेको छ ।
विद्यालय भर्नाबाट बाहिर रहेका त्यस्ता विद्यार्थीमध्ये ९६ हजार २१४ शिशु शिक्षालयहरूमा र ४० हजार ७०९ आधारभूत शिक्षालय (जुनियर हाइस्कुल) मा हुनुपर्ने देखिएको छ ।
विद्यालय भर्ना भएरपनि नियमित शिक्षा लिन नगएका विद्यार्थीहरूको संख्या पनि छ हजार भन्दा माथि रहेको सर्वेक्षणमा देखिएको छ।
जापानमा हाल एक लाख २५ हजार ४६८ बालबालिकाहरू प्राथमिक, आधारभूत र अन्तराष्ट्रिय विद्यालयहरूमा गरेर अध्ययनरत रहेको तथ्यांक पनि मन्त्रालयले सार्वजनिक गरेको छ ।
जापान सरकारले आधारभूत मानवअधिकारको रुपमा जापानमा रहेका सबै विदेशी बालबालिकाहरूलाई शिक्षा प्राप्त गर्न पाउने हक रहेको र त्यसप्रति जापानको अन्तराष्ट्रिय प्रतिवद्धता पनि रहेको शिक्षा मन्त्रालयले उल्लेख गरेको छ ।
स्मरणीय छ, जापानमा रहेका नेपाली बालबालिकाहरूले पहिलोपटक नेपालको एसइई परीक्षामा जापान परीक्षा केन्द्रबाटै सहभागि हुने अवसर पाएका थिए ।
जापानले बालबालिकाको शिक्षाका लागि संवेदनशिल र कठोर नीति अवलम्बन गरेको उदाहरण यस सर्वेक्षणले पनि प्रकाशमा ल्याएको छ । सर्वेक्षणमा विद्यालय जान योग्य रहेर पनि विद्यालयमा भर्ना नभएका विद्यार्थीहरूको संख्या घट्दै गएकोमा सन्तोष प्रकट गरेको छ ।
सन् २०१९ देखि नियमितरूपमा जापान सरकारले यस्तो सर्वेक्षण गर्न सुरु गरेको हो । जापानका एक हजार ७४१ सबै नगरपालिकाहरूमा यो सर्वेक्षण गरिएको थियो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
- कर्णालीमा आमसञ्चार विधेयकबारे छलफल
- सम्मान र पुरस्कारले उत्साहित पूजा
- लेबनानको सार्वभौमिकता उल्लङ्घन गर्ने इजरायलसँगको युद्धविराम स्वीकार्य छैनः हिजबुल्लाह प्रमुख
- इन्जिनियरिङ अध्ययन गरेर ब्लक उद्योगमा स्थापित
- जर्मनीले ‘एआई’ बाट नियन्त्रण गर्न मिल्ने चार हजार ड्रोन युक्रेन पठाउने
