स्वतन्त्र समाचार सेवा / INS पाल्पामा एक युवतीको घाँटी रेटेर बीभत्स ढङ्गले हत्या भएको छ। पाल्पाको रिब्दीकोट गाउँपालिका वडा नम्बर १ ख्याहामा हत्या भएको अवस्थामा मङ्गलवार साँझ युवतीको शव फेला परेको हो।
घर नजिकैको पँधेरोमा नुहाउन गएकी ती युवतीको नुहाएर घर फर्किने क्रममा धारिलो हतियारले शरीरका विभिन्न स्थानहरूमा प्रहार गरेर हत्या गरेको अवस्थामा शव भेटिएको हो।
स्थानीयले बताए अनुसार मृतक १९ वर्षीय पद्मा सुनार दिउँसो ४ बजे घरबाट नजिकै रहेको पँधेरामा नुहाउन जान्छु भनेर निस्किएकी थिइन्। उनी अबेर साँझसम्म घर नफर्किएपछि खोजी गर्ने क्रममा बीभत्स तरिकाले हत्या गरेर फालेको अवस्थामा शव भेटिएको थियो।
रिब्दीकोट गाउँपालिका वडा नं १ ख्याहाका वडाध्यक्ष चिरञ्जीवी पोखरेलका अनुसार सुनार कराङ्दीका दल बहादुर र कमला सुनारकी छोरी हुन्। उनी शारदा माध्यमिक विद्यालयमा कक्षा १२ मा अध्ययनरत थिइन्।
जिल्ला प्रहरी कार्यालय पाल्पाका प्रमुख प्रहरी उपरीक्षक नरेन्द्र चन्दका अनुसार– ‘मृतकको घाँटी, पाखुरा र औलाहरूमा गहिरो चोट लागेको छ, घटनास्थलको प्रकृति हेर्दा पद्मालाई नियोजित रूपमा हत्या गरेको देखिन्छ।’
घटनामा संलग्न र कारणबारे प्रहरीले तीव्र रूपमा अनुसन्धान अगाडि बढाएको छ। सो अनुसन्धानको लागी भैरहवाबाट कुकुरसहितको टोली घटनास्थल पुगिसकेको छ। हत्याको कारण यहीँ भनेर यकिन गर्न सक्ने अवस्था नभएको प्रहरी उपरीक्षक चन्दले बताउनुभयो। चन्दका अनुसार– ‘हामी सूक्ष्म ढङ्गले अनुसन्धान गरिरहेका छौँ। छिटो भन्दा छिटो यसलाई टुङ्गोमा पुर्याउँछौँ।’
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
- कर्णालीमा आमसञ्चार विधेयकबारे छलफल
- सम्मान र पुरस्कारले उत्साहित पूजा
- लेबनानको सार्वभौमिकता उल्लङ्घन गर्ने इजरायलसँगको युद्धविराम स्वीकार्य छैनः हिजबुल्लाह प्रमुख
- इन्जिनियरिङ अध्ययन गरेर ब्लक उद्योगमा स्थापित
- जर्मनीले ‘एआई’ बाट नियन्त्रण गर्न मिल्ने चार हजार ड्रोन युक्रेन पठाउने
