स्वतन्त्र समाचार सेवा / INS भारतको महाराष्ट्रमा पत्रकार शशिकान्त वारिसेको हत्या भएको छ। फेब्रुअरी ६ सोमबार दिउँसो १ बजे वारिसेले समाचार लेख्दै आएका जग्गा दलाल पन्ढरीनाथ अम्बेरकरले महाराष्ट्र राज्यको रत्नागिरी जिल्लाको राजमार्गमा वारिसेको मोटरसाइकलमा ठक्कर दिएका थिए।
समाचार रिपोर्टहरू र मिडिया वाचडग फ्री स्पीच कलेक्टिभको रिपोर्ट अनुसार उनी कार मुनि किचिए भने आक्रामक घटनास्थलबाट भागे। मराठी भाषाको अखबार महानगरी टाइम्सका रिपोर्टर वारिसेलाई तत्काल स्थानीय अस्पतालमा लगियो र त्यसपछि बेहोस अवस्थामा कोल्हापुर सहरको अस्पताल लगियो। मङ्गलबार बिहान गहिरो चोटका कारण उनको मृत्यु भयो।
रिपोर्टहरूका अनुसार, प्रहरीले अम्बरकरलाई गिरफ्तार गरी हत्याको दोषमा अनुसन्धान गरिरहेको छ। “भारतीय अधिकारीहरूले पत्रकार शशिकान्त वारिसेको हत्यामा संलग्न सबैलाई राम्ररी अनुसन्धान गर्नुपर्दछ, र उनीहरूलाई न्यायको कठघरामा ल्याउन सुनिश्चित गर्नुपर्दछ,” सि पी जे को एसिया कार्यक्रम संयोजक बेह लि यीले भने-“महाराष्ट्र सरकारले राज्यमा काम गर्ने सबै पत्रकारहरूको सुरक्षाको लागि कदम चाल्नुपर्छ र आक्रमण वा मारिएकाहरूलाई जवाफदेहिता खोज्नुपर्छ।”
पत्रकार वारिसेले अभियुक्त अम्बेरकर अवैध जग्गा कब्जामा संलग्न रहेको र तेल प्रशोधन केन्द्र निर्माणको विरोध गर्ने स्थानीयहरूलाई धम्की समेत दिएको खुलासा गरेेको थिए। गत वर्ष भारतमा दुई छुट्टाछुट्टै घटनामा पत्रकार सुभाषकुमार महतो र रोहित विश्वालको हत्या भएको थियो। भारत पत्रकार सुरक्षाको सवालमा ग्लोबल दण्डहीनता सूचकांकमा निकै तल चित्रित छ। पत्रकारका हत्याराहरूलाई न्यायको दायरामा ल्याउने सबैभन्दा खराब रेकर्ड भएका देशहरू मध्ये पर्दछ भारत।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- जापानको आर्थिक वृद्धिदर सुस्त
- हिउँद नलाग्दै सुक्न थाले खोला
- गौशाला धर्मशालामा मारवाडी सेवा समितिको मोहियानी हक लाग्दैन : अदालत
- पाकिस्तानमा विषाक्त धुवाँका कारण एकै दिनमा १५ हजारभन्दा बढी सङ्क्रमित
- राष्ट्रपति पौडेल र अजरबैजानका राष्ट्रपतिबीच भेटवार्ता
- कोप–२९ मा नेपालको जलवायुजन्य हानिनोक्सानीबारे चर्चा
- महिलाका लागि आम्दानीको आधार बन्दै घोँगी व्यापार
- पर्यटकीय गन्तव्य बन्दै सरुवाडाँडाको झोलुङ्गे पुल
- कोप२९ मा नेताहरूको मतभेदबीच उत्सर्जनलाई लिएर कडा चेतावनी
- वार्ताका लागि राष्ट्रसङ्घका आणविक प्रमुख इरान प्रस्थान
