कोशी प्रदेश नामाकरणको विषयलाई लिएर विराटनगरमा भएको आन्दोलनका क्रममा आन्दोलनरत पक्ष र प्रहरीबीच झडप भएको छ ।
निषेधित क्षेत्र तोड्न खोजेपछि प्रदर्शनकारीलाई रोक्ने क्रममा प्रहरीसँग झडप भएको हो । झडपका क्रममा प्रहरी र प्रदर्शनकारी दुवैतर्फ केही घाइते भएका छन् ।
प्रदेशको नाम खारेज गरी ऐतिहासिक पहिचानका आधारमा पुनः नामकरण गर्नुपर्ने मागसहित पहिचान पक्षधरले गरेको प्रदर्शनका कारण कोशी प्रदेशसभा भवनआसपास क्षेत्र विहानैबाट तनावग्रस्त बनेको थियो । सो क्रममा प्रदर्शनमा उत्रिएका आन्दोलनरत पक्षले ढुंगा प्रहार गर्दा केही प्रहरी समेत घाइते बनेका थिए । सो क्रममा प्रहरीले दर्जन बढी अश्रु ग्यास प्रहार गरेको थियो ।
प्रदर्शनकारीले सुरक्षाकर्मीलाई लक्षित गरेर ढुंगामुढा प्रहार गरेसँगै आन्दोलन चर्किएको हो ।
उनीहरुले प्रहरीमाथि गुलेलीसमेत प्रहार गरेको प्रहरीले जनाएको छ । आन्दोलनका क्रममा घाइते भएकाहरूको विराटनगरको कोशी, गोल्डेनलगायतका अस्पतालमा उपचार भइरहेको छ । आन्दोलनमा सहभागीमध्ये ३७ जनालाई प्रहरीले नियन्त्रणमा लिएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- कर्णालीका हिमाली जिल्लामा देखिन थाल्यो औलो रोग
- रूस र युक्रेनबीच विस्थापित बालबालिकाको आदानप्रदान गर्ने सहमति
- चित्रकलामा भविष्य खोजिरहेकी निर्मला
- पाँच दिनपछि खुल्यो चिया निर्यात
- जलवायुसम्बन्धी अन्तर्राष्ट्रिय संवाद कार्यक्रमको ‘वेबसाइट’ सार्वजनिक
- ‘लू’बाट बच्न के गर्ने? के नगर्ने?
- लगानीका लागि ‘टिम’ बनाउने समझदारीसँगै अमिर फिर्ता
- तातोपानी कुण्डमा डुब्न आएकालाई त्रिपालको सास्ती
- वन्यजन्तु बढेसँगै पोखरी थप्न खोज्दैछ शुक्लाफाँटा
- जहाँ कोसेलीको रूपमा नरिवल बिस्कुट पाईन्छ…