स्वतन्त्र समाचार सेवा / INS 
चीन–भारत सीमा विवादपछि पत्रकारलाई दिइने भिजाबारे दुवैपक्ष आमने–सामने भएका छन्। चीनले भारतमाथि आफ्ना पत्रकारको भिजा नवीकरण नगरेको आरोप लगाउँदै कडा कदम उठाउने चेतावनी दिएको छ। अमेरिकी मिडिया हाउस वाल स्ट्रिट जर्नलको रिपोर्टअनुसार दुवै देशले एक–अर्काका पत्रकारलाई निष्कासित गरेका छन्।
सन् १९८० पछि भारतमा चिनिया पत्रकार नभएको यो पहिलोपटक हो। रिपोर्टअनुसार भातरले चीनको स्टेट न्युज एजेन्सी सिन्ह्वा र ब्रोडकास्टर सिसिटिभीका दुई पत्रकारको भिजा नवीकरण गरेन। चीनको परराष्ट्र मन्त्रालयले पनि दाबी गरेको छ।
चीनले आफ्ना पत्रकारलाई भारतले भेदभाव गरेको आरोप लगाएको छ। चिनिया परराष्ट्र मन्त्रालयका प्रवक्ता माओ निङले लामो समयदेखि भारतमा चिनिया पत्रकारमाथि भेदभाव भएको बताएकी छिन्।
सन् २०१७ मा पनि भारतले बिनाकुनै कारण चिनिया पत्रकारको भिजा अवधि घटाएको निङको भनाइ छ। यस्तै चीनले पनि भारतका ‘द हिन्दु’ र ‘प्रसार भारती’ का एक–एक पत्रकार निकालेको हो। वाल स्ट्रिटको रिपोर्ट आउनुअगावै भारतमा चिनिया दूतावासले ट्विट गर्दै यो वर्ष मात्रै ६० हजार भारतीयलाई बिजनेस, अध्ययन र फेमिली भिसा जारी गरेको बताएको छ। भिजासम्बन्धी मामिलामा चीनले भारतलाई जिम्मेवार ठहर्याएको छ।
सन् २०२० मा भारत–चीन सीमाको लद्दाखको गलवानमा हिंस्रक झडप भएको थियो। उक्त झडपमा परी भारतीय पक्षका २० र चिनिया पक्षका ३८ सैनिकको मृत्यु भएको भारतले दाबी गर्दै आएको छ।
४० वर्षपछि गलवानमा यो स्थिति पैदा भएको थियो। यसको कारण गलवान नदीको मुहानमा भारतीय सैनिकले अस्थायी पुल बनाउने निर्णय गरेको थियो। कारण चीनले यो क्षेत्रमा अवैध रुपमा पूर्वाधार निर्माण गरेको र सैनिक संख्या बढाइरहेको भारतले दाबी गर्दै आएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- अमेरिका र बेलायतद्वारा इरानको ड्रोन कार्यक्रममा व्यापक प्रतिबन्धको घोषणा
- आधुनिकताले खायो परम्परागत उत्पादन
- बजार नखोजी दाताका भरमा बनेको मेन्था प्रशोधन केन्द्र बन्द
- नेपाललाई जलवायु परिवर्तन जोखिमको क्षतिपूर्ति माग्दै अर्थमन्त्री
- रगत नरोकिएर हैरान बनाउने हिमोफिलिया
- आइसिसी अलराउन्डर नम्बर ११: दीपेन्द्रसिंह ऐरी
- कसरी मरिन २२ वर्षीया भीमा गुरुङ?
- ट्रेड युनियनको विरोधमा स्थानीय बासिन्दा
- हस्तकलाबाट मनग्य आम्दानी गर्दै दाङका महिला
- गाजाको शरणार्थी शिविरमा आक्रमण ; सात बालबालिकासहित १३ को मृत्यु
