स्वतन्त्र समाचार सेवा / INS 
टाटा ग्रुपको स्वामित्व रहेको एयर इन्डियाले ४७० वटा विमान खरिद गर्ने भएको छ। एयरबस र बोइङमार्फत विमान खरिदका लागि ग्रुपले मंगलबार सम्झौतापत्रमा हस्ताक्षर गरेको छ।
यसै वर्ष फेबुअरीमा घोषणा भएको ७० अर्ब डलर लगानीबाट फ्लिट विसता गर्ने कार्यक्रमको हिस्सा भएको बताइएको छ।
एयर इन्डियाले ३४ ए ३५०–१०००, ६ ए ३५०–९००, २० बोइङ ७८७ ड्रिमलाइन र १० बोइङ ७७७ वाइडबडी एयरक्राफ्ट खरिद गर्नेछ। यसैगरी १४० एयरबस ए ३२० निओ, ७० एयरबस ए ३२१ निओ र १९० बोइङ ७३७ म्याक्स न्यारोबडी एयरक्राफ्टसमेत खरिद गर्न लागेको हो।
टाटा सन्स र एयर इन्डियाका अध्यक्ष एन चन्द्रशेखरनले एयर इन्डियाको दीर्घकालीन विकास र सफलताका लागि यो ऐतिहासिक सफलता भएको बताएका छन्।
यस्तै प्रमुख कार्यकारी अधिकृत एव प्रबन्ध निर्देशक क्याम्पबेल विल्नसनका अनुसार एयर इन्डियाले पाँच वर्षभित्र आफ्नो रुट नेटवर्कमा उन्नत र उत्कृष्ट विमान सञ्चालन गर्नेछ।
एयरलाइन्स अधिकारीहरूका अनुसार एयरबस कम्पनी स्याटएयर र बोइङ ग्लोबल सर्भिसेज एयर इन्डियालाई समाधानको विस्तृत शृंखलसहित समर्थन गर्नेछ। यसमा पाटपुर्जा, हिफाजतको प्रावधान, डिजिटल एप्लिकेसन र संशोधन सेवा छन्।
एयरबस ए ३५० को डेलिभरी यसै वर्षको अन्तिममा हुने र अन्य अर्डर २०२५ भित्र आइसक्ने अनुमान छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- कालीगण्डकीमा बन्द भयो जलयात्रा
- विश्वमा हरेक १० मिनेटमा एक महिलाको मृत्यु हुन्छ : संयुक्त राष्ट्रसङ्घ
- सगरमाथा क्षेत्र छोड्ने विदेशी पर्यटकको सङ्ख्या बढे
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
