स्वतन्त्र समाचार सेवा / INS टर्की र नेदरल्याण्ड क्वाटरफाइनलमा प्रवेश गरेसँगै युरो कप २०२४ को क्वाटरफाइनल समीकरण पूरा भएको छ । मंगलबार राति भएका २ वटा खेलसँगै क्वाटरफाइनल समीकरण पूरा भएको हो ।
गएराति टर्कीले रोमानिया र नेदरल्याण्ड्सले अष्ट्रियालाई पराजितगर्दै अन्तिम ८ मा स्थान पक्का गरे ।जर्मनीको लाइप्जिङगमा मंगलबार राति अबेर सम्पन्न खेलमा अस्ट्रियामाथि २–१ गोलको रोमाञ्चक जित हासिल गर्दै टर्कीले अन्तिम आठमा स्थान पक्का गरेको हो ।
टर्कीको जितमा डिफेन्डर मरिह डेमीरालले दुवै गोल गरेका थिए । यता अस्ट्रियाका लागि माइकल ग्रेगोरिस्चले फर्काएको गोल सान्त्वनामा परिणत भयो ।
खेलको पहिलो मिनेटमै डेमिरलले गोल गर्पछि टर्कीले पहिलो सुरुमै अग्रता लिएको थियो । ५९औँ मिनेटमा पुनः डेमिरलले गोलगरेपछि टर्की खेलमा २–० ले अघि बढेको थियो । तर, ६६औंमिनेटमा माइकलले अस्ट्रियाका लागि गोल गरेपछि खेल २–१ को अबस्थामा ल्याए ।
त्यसपछि अष्ट्रियाले लगातार पोष्टमा आक्रमण गरे पनि अन्ततःगोल गर्न नसक्द्या टर्कीले २–१ को नतिजा आत्मसाथ गर्दा अस्ट्रिया भने अघि बढ्न सकेन ।
यस्तै, अर्को खेलमा नेदरल्याण्ड्सले रोमानियालाई ३–० गोल अन्तरले पराजित गरेको छ । एलियान्ज एरिनामा मंगलबार राति सम्पन्न खेलमाअन्तिम आठमा पुगेको हो ।
नेदरल्यान्ड्सका कोडी गाक्पोले खेलको २०औँ मिनेटमै गोल गर्दै सुरुआती अग्रता दिलाएका थिए । उनले जावीसिमोन्सको पासमा गोल गरे ।
६३औँ मिनेटमा उनले दोस्रो गोल गरेपनि भिडियो असिस्टेन रेफ्रीले अफसाइड देखाइदिँदा मान्यता पाउन सकेन । ८३औँ मिनेटमा उनकै पामा डोनिएल मालेनले गोल गर्दै नेदरल्यान्ड्सको अग्रता दोब्बर बनाए ।
दोस्रो हाफको इन्ज्युरी समयको तेस्रो मिनेटमा उनले नै व्यक्तिगत दोस्रो र टोलीको लागि तेस्रो गोल गर्दे नेदरल्यान्ड्सलाई जित दिलाए ।
अब शुक्रबार र शनिबार क्वाटरफाइनलका खेलहरु हुने छन् । जसमा स्पेन र जर्मनी भिड्दा पोर्चुगल र फ्रान्स आमने सामने हुने छन् । यसैगरी इंग्ल्याण्ड र स्वीट्जरल्याण्ड भिड्दा अन्तिम क्वाटरफाइनलमा टर्की र नेदरल्याण्ड्सले प्रतिस्पर्धा गर्ने छन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पत्रकार महासङ्घको निर्वाचन आज
- विपद्का घटनाबाट चिन्तित चुरेफेदी
- आत्म–रक्षाका लागि गोलान बफर जोन कब्जा गरेको इजरायलको भनाइ
- टाइम म्यागजिनद्वारा डोनाल्ड ट्रम्पलाई दोस्रो पटक ‘पर्सन अफ द इयर’ घोषणा
- अमेरिकी सैन्य अखडामा ड्रोन उडाएको आरोपमा चिनियाँ नागरिक पक्राउ
- के हो आँखाको क्यान्सर ?
- बझाङको रायाल केन्द्रविन्दु भएर भूकम्प
- सिरियाली विद्रोहीहरूद्वारा सङ्क्रमणकालीन सरकारका प्रमुख नियुक्त
- आयोजना अलपत्र पारेपछि कारणसहित लिखित जवाफ माग
- फिलिपिन्समा ज्वालामुखी विस्फोट, प्रभावित क्षेत्र खाली गरिँदै
