स्वतन्त्र समाचार सेवा / INS संयुक्त अरब इमिरेट्स (युएई)को मध्यस्ततामा भएको एक सम्झौता अनुरुप रुस र युक्रेनले सयौँ युद्धवन्दीहरु साटासाट एवं आदानप्रदान गरेका छन् । रुसी रक्षा मन्त्रालयका अनुसार रुसमा बन्दी बनाइएका १५० युक्रेनी सैनिकलाई रुसी सैनिकको बदलामा युक्रेनलाई हस्तान्तरण गरिएको छ । उता, युक्रेनी राष्ट्रपति भ्लादिमिर जेलेन्सीले १८९ युक्रेनीहरु घर फर्किएको प्रतिक्रिया दिएका छन् ।
उनले भनेका छन्, ‘‘‘रिहा गरेकाहरुमा अजोवस्टल र मारियुपोलका रक्षक’’, चेरनोबिल परमाणु ऊर्जा सयन्त्र र स्नेक आइल्याण्ड संलग्न छन् ।’ यस दौरान उत्तरी युक्रेनको एक अस्पतालबाहिर उनीहरुका आफन्त कठ्याङ्ग्रींदो चिसोमा प्रतिक्षा गरिरहेका तस्विरहरु बाहिरिएका छन् । सन् २०२२ मामारियुपोल सहरमा सुरक्षा दिँदा दिँदै पक्राउ परेका लेलेक्जेण्डरकी पत्नी अलीनाले आँशु खसाल्दै भनिन्, ‘यो प्रतिक्षा निकै कठिन छ । म केबल उसलाई देख्न चाहन्छु ।’
रुसी रक्षा मन्त्रालयले हालै रिहा भएका रुसी सैनिकहरु बेलारुसमा रहेको र उनीहरुलाई चिकित्सा सहायता र आफ्ना परिवारसँग सम्पर्कको मौका दिइएको बताएको छ । रुसी मानवअधिकार आयुक्त तात्याना मोस्काल्कोवाले पोष्ट गरेको एक भिडियोमा सैनिकहरुलाई सैन्य तथा आपतकालीन कपडामा कोचोंका अगाडि जम्मा भएको देखिएको भन्दै बीबीसीले समाचार लेखेको छ ।
मानवअधिकार आयुक्त मोस्काल्कोवाले सन्देश दिँदै, ‘चाँडै नै हाम्रा आफ्नाहरु आफ्नो परिवार तथा साथीभाइसँग अङकमाल गर्ने छन् । र आफ्नो जन्मभूमिमा नयाँ वर्षको खुसीयाली साट्ने छन्’ भनी उल्लेख गरेका छन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- चितवनबाट देखिएको गणेश हिमाल
- नेपालमा होटल क्षेत्रमा मात्रै साढे पाँच खर्ब स्थायी लगानी
- सन् २०२४ – साढे ११ लाख पर्यटक नेपाल भित्रिए
- झापाको टिमाई झोलुङ्गे पुल नयाँ पर्यटकीय गन्तव्य
- अमेरिकाको न्यू अर्लिन्सको घटनामा मर्नेको संख्या १५ पुग्यो –
- सन् २०२५ को स्वागतमा विश्वभर गरिएका आतिशबाजीका केहि झलकहरु
- सन् २०२५ को सुरुवात
- ग्लोबल आइएमई बैंकद्वारा मेरी उनीलाई स्वस्थ नारी पहलअन्तर्गत नि:शुल्क स्वास्थ्य शिविर सञ्चालन
- खेर गएको पातपतिङ्गरबाट गाउँपालिकाले जैविक मल उत्पादन गर्दै
- मेलम्चीको विकल्प मानिएको सिस्नेरी खानेपानी आयोजनाको डिपिआर सुरु
