स्वतन्त्र समाचार सेवा / INS 
मधेस आन्दोलनमा सहिद भएकाहरूको बलिदानबाट अगाडि बढेका मधेसी केन्द्रित दलहरूले सहिद परिवारलाई पूरै बिच्चलीमा पारेको आरोप लागेको छ। त्यसमाथि स्थानीय निर्वाचनका क्रममा मधेसी मुद्दालाई बिर्सिएका मात्र होइन मधेस केन्द्रित दलहरूले उम्मेदवार बनाउँदा टाठाबाठा र पैसावाललाई प्राथमिकता दिएर सहिद परिवारलाई वेवास्ता गरेको आरोप छ। त्यसमध्ये एक हुनुहुन्छ– विनिता साह कलवार।
विनिताका पति सोहन साह कलवारको, २०७० सालमा मधेस आन्दोलनका क्रममा वीरगञ्जमा प्रहरीको गोलीबाट मृत्यु भएको थियो । २०७४ सालको पालिका निर्वाचनमा जसपाबाट वीरगञ्ज महानगपालिकाको वडा नम्बर १६ मा विनिता महिला वडा सदस्यमा निर्वाचित हुनुभएको थियो।
यसपाली सहिद पत्नी विनितालाई मधेसी दलले टिकट नदिएपछि विवेकशील साझा पार्टीको तर्फबाट १६ नम्बर वडाको अध्यक्षमा उम्मेदवारी दर्ता गराउनु भएकोछ। विनिता भन्नुहुन्छ, “मधेसी दलले टिकट नदिएको कारण अरु दलबाट उम्मेदवारी दर्ता गर्नुपर्यो। विगतको चुनावमा आफूलाई मधेसी नेताले खोजेर चुनाव लडाएका थिए। त्यतिबेला मेयरका उम्मेदवार विजय सरावगीकै गाडीमा सहिद पत्नि हो भन्दै सबैले घुमाए, नेता प्रदिप यादवले घुमाए। मलाई देखाएरै सबैको भोट मागे । वडा सदस्यमा जितेर ४ वर्ष जनताको सेवा राम्रैसँग गरेको छु तर अहिले मधेसी नेताहरूले बिर्से।”
मधेसी दलले पैसा र पहुँच भएकालाई पार्टीमा प्रवेश गराउने र नयाँलाई टिकट बेच्ने गरेका छन्, त्यसमाथि गरिब पनि भएकाले आफूलाई टिकट नदिएको आरोप विनिताको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- आदालतद्वारा रवि लामिछानेलाई धरौटीमा रिहा गर्न आदेश, समर्थकबीच खुसीको माहोल
- उत्तरी सिरियामा टर्कीए र कुर्दिश सेनाबीच झडप, ३७ जनाको मृत्यु
- खोटाङकाे बुइपामा कोक, जुस, वियरलगायत आयातित पेयपदार्थमा प्रतिबन्ध
- अमेरिकाको लस एन्जेलसमा भीषण आगलागी, अहिलेसम्म पाँच जनाको मृत्यु
- सूर्यदर्शन सहकारी बचत अपचलन : प्रतिवादीहरूको थुनछेक बहस जारी
- भूकम्पको मनोवैज्ञानिक असर कायमै, संयम अपनाउन आग्रह
- पाथीभरासहित ताप्लेजुङका उच्च हिमाली क्षेत्रमा हिमपात
- हमासलाई ट्रम्पको चेतावनी
- लस एन्जलिसको डढेलो तीव्र गतिमा फैलिँदै, हजारौँ मानिस घर छाडेर भागे
- ट्रम्पको होटल अगाडि च्याटजीपीटी एआईमार्फत विस्फोट गराइएको थियो साइबरट्रक
