स्वतन्त्र समाचार सेवा / INS 
म्याग्दीमा रासायनिक मलको अभाव भएको छ। मुख्य खाद्यान्न बाली धान बाली लगाउने तयारी गरेका र बारीमा चैते मकै लगाएका किसानहरू रासायनिक मल नपाएर समस्यामा परेका हुन्।
माग अनुसार मल आपूर्ति हुँदा अभाव भएको हो। म्याग्दीको उच्च पहाडी क्षेत्रमा किसानले धान बाली रोप्न थालेका छन्। चैत र वैशाख महिनामा बारीमा छरेको मकैमा युरिया मल राख्ने समय भएको छ।
मंगला गाउँपालिका–१ कुहुँका किसान इनदेवी मगरले धान रोप्ने र मकै गोड्ने समयमा मल नपाउँदा किसानहरू निराश भएका बताइन्। समयमा युरिया मल छर्न नपाउँदा मकै र धानको उत्पादन घट्ने उनले चिन्ता व्यक्त गरिन्।
जिल्लामा बर्खेबालीका लागि दुई सय ७८ मेट्रिक्टन युरिया मलको कोटा निर्धारण भएकोमा हालसम्म एक सय १० मेट्रिक्टन मात्र आपूर्ति भएको जिल्ला कृषि विकास कार्यालयले जनाएको छ। कार्यालयका प्रमुख सञ्जीव बास्तोलाले कृषि सामग्री कम्पनी लिमिटेड र साल्ट टे«डीङ कम्पनी लिमिटेडले ढुवानीको समस्या देखाएर समयमा मल आयात र वितरणको व्यवस्था मिलाउन नसकेका बताए। “इन्धनको मूल्यवृद्धिको कारण देखाएर ढुवानी व्यवसायीले वीरगञ्जबाट मल नल्याएका कारण म्याग्दीका डिलरहरूले किसानलाई वितरण गर्न पाएका हुन्,” उनले भने “जिल्ला प्रशासन कार्यालयको समन्वयमा डिलर, कृषि र खाद्य सामग्री, कृषि विकास कार्यालय र स्थानीय तहका कृषि शाखा प्रमुखहरूको बैठकले आगामी बुधवार भित्र मल आपूर्ति र वितरण सहज बनाउने निर्णय गरेको छ।”
म्याग्दीको तीन हजार आठ सय ८५ हेक्टरमा धान र नौ हजार चार सय ३५ हेक्टर क्षेत्रफलमा मकै खेती हुन्छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- भूराजनीतिक तनाव र आर्थिक चुनौतीका बीच सुरु भयो ‘ कोप’
- पहिरोको जोखिममा हाकुबेँसी, स्थानान्तरणका लागि स्थानीयको माग
- आज तिहारको चौथो दिन: विधिपूर्वक गाईको पूजा गरिँदै
- ला लिगा: फर्मिन लोपेजको दुई गोल मद्दतमा बार्सिलोनाद्वारा एट्लेटिको मड्रिड पराजित
- आजका लागि विदेशी मुद्राको विनिमय दर
- वीपी राजमार्ग पुनःनिर्माणले तीव्रता: जाइकाले सुरु गर्यो बर्खेखोला–पिप्ले खण्डको काम
- काग तिहार पर्व आज: यमराजका दूत कागको पूजा
- एनपीएल आज: अपराजित लुम्बिनी लायन्स र काठमान्डु गोर्खाजबिच खेल
- आजको लागि विदेशी मुद्राको विनिमय दर
- आजको मौसम: पहाडी तथा हिमाली भू-भागमा आंशिक बदली, बाँकी ठाउँमा मौसम सामान्यतया सफा रहने
