स्वतन्त्र समाचार सेवा / INS 
नेपाल प्रिमियर लिग (एनपिएल) को तेस्रो संस्करणको पहिलो खेलमा साबिक विजेता लुम्बिनी लायन्सले विजयी सुरुआत गरेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको उद्घाटन खेलमा लुम्बिनीले सुदूरपश्चिम रोयल्सलाई ७ विकेटले पराजित गर्दै प्रतियोगितामा दमदार खरो उत्रिएको छ।
टस जितेर पहिलो बलिङ रोजेको लुम्बिनीका बलरहरूले कसिलो प्रदर्शन गरेपछि सुदूरपश्चिम रोयल्स १७.२ ओभरमा मात्र ८७ रनमा समेटिन पुग्यो। सुदूरपश्चिमका लागि कप्तान दीपेन्द्रसिंह ऐरीले सर्वाधिक २७ रन बनाए भने अनिल खरेलले नटआउट १५ रन जोडे। त्यस्तै, सैफ जैबले १३ रन बनाए पनि अन्य ब्याटरले दोहोरो अङ्कमा रन बनाउन सकेनन्।
सुदूरपश्चिमलाई सस्तैमा समेट्ने क्रममा लुम्बिनीका किशोर महतोले घातक बलिङ गर्दै ४ विकेट लिए। यसै गरी, शेर मल्लले ३ विकेट हात पारे भने साड्ली भान शॉकविक, रोहित पौडेल र तिलक राज भण्डारीले १–१ विकेट लिए। उत्कृष्ट बलिङ प्रदर्शन गरेका शेर मल्ल प्लेयर अफ द म्याच घोषित भए।
८८ रनको सामान्य लक्ष्य पछ्याएको लुम्बिनी लायन्सले ९.५ ओभरमै ३ विकेट गुमाएर लक्ष्य भेटायो। लुम्बिनीका ओपनिङ ब्याटर डार्सी सर्टले विस्फोटक ब्याटिङ गर्दै १८ बलमै ४ चौका र ३ छक्कासहित ४० रनको योगदान दिए। उनका ओपनिङ पार्टनर आशिफ शेखले २५ बलमा ३२ रन (२ चौका र २ छक्का) बनाए। पहिलो विकेटका लागि यो जोडीले ६.२ ओभरमा ७१ रनको साझेदारी गर्दै टिमको जित सुनिश्चित गरेका थिए।
आज हुने दुई खेलहरू
एनपिएल अन्तर्गत आज (मंगलबार) दुई वटा रोमाञ्चक खेलहरू हुँदैछन्:
पहिलो खेल (दिउँसो १२:३० बजे): विराटनगर किंग्स र चितवन राइनोबिच प्रतिस्पर्धा हुनेछ।
दोस्रो खेल (साँझ ५:०० बजे): कर्णाली यक्स र जनकपुर बोल्ट्सबिच प्रतिस्पर्धा हुनेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- वीपी राजमार्ग पुनःनिर्माणले तीव्रता: जाइकाले सुरु गर्यो बर्खेखोला–पिप्ले खण्डको काम
- काग तिहार पर्व आज: यमराजका दूत कागको पूजा
- एनपीएल आज: अपराजित लुम्बिनी लायन्स र काठमान्डु गोर्खाजबिच खेल
- आजको लागि विदेशी मुद्राको विनिमय दर
- आजको मौसम: पहाडी तथा हिमाली भू-भागमा आंशिक बदली, बाँकी ठाउँमा मौसम सामान्यतया सफा रहने
- बाढीले मध्यकालीगण्डकी जलविद्युत् आयोजनामा ठूलो क्षति, तिहारलगत्तै पुनर्निर्माण सुरु गरिने
- हिन्दु र बौद्ध धर्मावलम्बीको साझा तीर्थस्थल पार्वतीकुण्ड
- एनपीएल २०२६: लुम्बिनी र काठमाडौँको जित, आज सुदूरपश्चिम र कर्णाली भिड्दै
- आजका लागि विदेशी मुद्राको विनिमय दर
- आजको मौसम पूर्वानुमान: हिमाली भू-भागका एक-दुई स्थानमा हल्का वर्षा
