स्वतन्त्र समाचार सेवा / INS राष्ट्रिय सभा, दिगो विकास तथा सुशासन समितिले दिगो विकासका सम्बन्धी धेरै विषयमा कार्ययोजना तयार गरेको छ। समितिका सभापति प्रकाश पन्थको सभापतित्वमा यही असोज ५ र ६ गते बसेको कार्ययोजना तयारी समितिको बैठकले सो निर्णय गरेको हो।
समितिले दिगो विकासका सम्बन्धमा सम्बन्धित मन्त्रालय र निकायसँग चालु विकास आयोजनाका सम्बन्धमा छलफल र अन्तरक्रिया गर्ने कार्ययोजना तयार गरेको छ। यसैगरी विकास र कानून, विकास र सुशासनका सम्बन्धमा केन्द्रीय र प्रदेश स्तरको छलफल र अन्तरक्रिया गर्ने कार्ययोजना पनि तयार गरेको छ।
यसैगरी दिगो विकासका दृष्टिले पूर्वाधार, शहरी विकास, खानेपानी, सरसफाई, वातावरणीय सन्तुलन र फोहोर व्यवस्थापन सम्बन्धमा सरोकारवालाहरूसँग अन्तरक्रिया गर्ने पनि कार्ययोजना समितिले तयार गरेको छ।
यसका अतिरिक्त भ्रष्टाचार र अनियमितताको रोकथाम र नियन्त्रणमा, दिगो विकास लक्षित योजना तर्जुमा र कार्यान्वयनमा तथा दिगो विकासमुखी बजेट तर्जुमा गर्न बजेट निर्माणको प्रकृयामा सम्बन्धित निकायसँग अन्तरक्रिया गर्ने कार्ययोजना समितिले तयार गरेको छ।
यसैगरी मौलिक हकको कार्यान्वयनको अवस्थामाथि समीक्षा गर्ने, राष्ट्रिय गौरवका आयोजनाहरुको स्थलगत अनुगमन गर्ने, सुशासन र सेवा प्रवाहको स्थितिको समीक्षा गरी सुशासनको प्रवर्धन गर्न छलफल गर्ने, सडक सुरक्षा र ट्राफिक व्यवस्थापन सम्बन्धमा अन्तरक्रिया गर्नेलगायतका कार्ययोजना समितिले तयार गरेको छ।
सरकारलाई राष्ट्रियसभाप्रति उत्तरदायी र जवाफदेही बनाउन, सरकारबाट भए गरेका काम कारवाहीको अनुगमन र मूल्याङ्कन गरी आवश्यक निर्देशन र राय सल्लाह दिन समेतका लागि राष्ट्रिय सभामा नेपालको संविधान बमोजिम दिगो विकास तथा सुशासन समिति गठन भएको हो। राष्ट्रिय सभा नियमावली अनुसार नेपाल सरकारले अख्तियार गरेको दिगो एवं सन्तुलित विकास र सुशासन प्रवर्धन गर्ने विषय यस समितिको कार्यक्षेत्र हो। समितिले आफ्नो उदेश्य बमोजिम दिगो एवं सन्तुलित विकास र सुशासन प्रवर्धन गर्न समिति गठन भए लगत्तै कार्ययोजना निर्माणमा जुटेको हो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- भयावह बन्दै डढेलो
- भरतीय सर्वोच्च अदालतद्वारा जलवायु परिवर्तनको प्रतिकूल प्रभावबाट मुक्त हुन पाउने अधिकारलाई मान्यता
- चारदिनसम्म पुरिएका ऋषि जो खुट्टा गुमाएको दिन सम्झनै चाहदैँनन्
- आलमसहित चारलाई जन्मकैद
- “कुछो बच नइसकल, सब जैरगेल”
- डढेलोले गाउँ पसे वन्यजन्तु
- पढाइ र घरखर्च जोहो गर्न चित्र बनाउने निर्मला चौधरी
- कर्णालीका हिमाली जिल्लामा देखिन थाल्यो औलो रोग
- रूस र युक्रेनबीच विस्थापित बालबालिकाको आदानप्रदान गर्ने सहमति
- चित्रकलामा भविष्य खोजिरहेकी निर्मला
