स्वतन्त्र समाचार सेवा / INS दक्षिण-पूर्वी अफ्रिकी राष्ट्रहरु दक्षिण मलावी र मोजाम्बिकमा गएको भीषण सामुुन्द्रीक आँधीबाट हालसम्म मृत्यु हुनेको संख्या दुई सय १६ पुगेको छ ।
सो आँधीबाट मलावीमा एक सय ९० जनाको ज्यान गएको तथा मोजाम्बिकमा २६ जनाको मृत्यु भएको अधिकारीहरूले बताएका छन् । गत शनिबार रातिबाट सुरु भएको सो आँधी अब विस्तारै मथ्थर हुने क्रममा रहेको जानकारी पनि मलावीका अधिकारीहरुले अन्तराष्ट्रिय सञ्चारमाध्यमहरुलाई बुधबार बिहान दिएका छन् ।
मलावीमा पाँच सय ८४ जना घाइते भएका तथा ३७ जना बेपत्ता भएका छन् भने मोजाम्बिकमा २४ जना घाइते भएका छन् ।
मोजाम्बिकमा २२ हजारभन्दा बढी विस्थातिप भएका रेडियो मोजाम्बिकले जनाएको छ ।
मालवीको प्राकृति संशाधन तथा जलवायु परिवर्तन मन्त्रालयले चक्रवात क्रमशः कमजोर हुँदै गएको जनाए पनि देशको दक्षिणी भागमा भारी वर्षा हुने संकेत दिएको छ । बाढीपहिरोको जोखिम बढेको जनाउँदै उक्त मन्त्रालयले सतर्कता अपनाउन देशवासीलाई आग्रह पनि गरेको छ ।
आँधीबाट मालवीको राजधानी ब्लान्टायरमा व्यापक क्षति भएको छ । मङ्गलबार अपराह्नसम्म यहाँमात्र एक सय ५८ जनाको मृत्यु भइसकेको थियो । राजधानीका धेरै घर पहिरामा पुरिएका छन् । देशभर करिब ६० हजार प्रभावित भएका छन् भने १९ हजारभन्दा बढी विस्थापित भएका छन् । प्रभावित क्षेत्रका पुल र सडक भत्किएका छन् । प्रतिकूल मौसमका कारण खोज तथा उद्धारका कार्य प्रभावित भएकाले क्षतिको पूर्ण विवरण प्राप्त हुन नसकेको अधिकारीहरुले बताएका छन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- भयावह बन्दै डढेलो
- भरतीय सर्वोच्च अदालतद्वारा जलवायु परिवर्तनको प्रतिकूल प्रभावबाट मुक्त हुन पाउने अधिकारलाई मान्यता
- चारदिनसम्म पुरिएका ऋषि जो खुट्टा गुमाएको दिन सम्झनै चाहदैँनन्
- आलमसहित चारलाई जन्मकैद
- “कुछो बच नइसकल, सब जैरगेल”
- डढेलोले गाउँ पसे वन्यजन्तु
- पढाइ र घरखर्च जोहो गर्न चित्र बनाउने निर्मला चौधरी
- कर्णालीका हिमाली जिल्लामा देखिन थाल्यो औलो रोग
- रूस र युक्रेनबीच विस्थापित बालबालिकाको आदानप्रदान गर्ने सहमति
- चित्रकलामा भविष्य खोजिरहेकी निर्मला
