स्वतन्त्र समाचार सेवा / INS अमेरिकी राष्ट्रपति चुनावमा रिपब्लिकन पार्टीको उम्मेदवार बन्न दौडिरहेका भारतीय मूलका अमेरिकी विवेक रामास्वामीको एक वक्तव्यले चुनावी माहौललाई ताताएको छ। रामास्वामीले सन् २०२४ को चुनाव जितेमा ७५ प्रतिशतभन्दा बढी संघीय सरकारी कर्मचारीलाई बर्खास्त गर्ने र एफबीआई जस्ता धेरै प्रमुख एजेन्सीहरू बन्द गर्ने बताउनुभएको छ। उहाँले आफू सत्तामा आए पहिलो वर्ष नै सरकारी कर्मचारीको संख्या ५० प्रतिशतले घटाउने अभिव्यक्ति दिनुभएको हो।
कर्मचारी व्यवस्थापन कार्यालय (ओपीएम) का अनुसार, संघीय सरकारमा अनुमानित २२ लाख मानिस काम गर्छन्। रामास्वामीको योजनाले यो संख्यालाई झन्डै आधाले घटाउनेछ अर्थात् अनुमानित ११ लाख संघीय कर्मचारीहरू हट्नेछन्। उहाँले सेना, कानून प्रवर्तन, खुफिया, र राष्ट्रिय सुरक्षा कर्मीहरू, साथै वश्यक स्वास्थ्य सेवा र सामाजिक सेवाकर्मीहरूलाई आफ्नो कटौतीबाट छुट दिने पनि बताउनुभएको छ। आफूरुले पहिलो वर्षको अन्त्यसम्म हेडकाउन्ट ५० प्रतिशतले घटाउन चाहेको रामास्वामीले भनाइ छ।
अमेरिकी समाचार वेबसाइट एक्सियोसलाई दिएको अन्तर्वार्तामा रामास्वामीले आफ्नो लक्ष्य शिक्षा विभाग, एफबीआई, एक्साइज, तमाखु, हतियार र विस्फोटक ब्युरो, आणविक नियामक आयोग, आन्तरिक राजस्व सेवा, र वाणिज्य विभाग हुने बताउनुभयो। ‘हामी पहिलो दिनबाट सुरु गर्नेछौं, र हामी पहिलो वर्षको अन्त्यसम्म हेडकाउन्ट ५० प्रतिशतले घटाउन चाहन्छौं,’ रामास्वामीको भनाइ छ।
अन्तर्वार्ताका क्रममा उहाँले भन्नुभयो, ‘कर्मचारीमध्ये ३० प्रतिशत आगामी ५ वर्षमा अवकाशको उमेरमा पुग्छन् भन्ने कुरामा ध्यान दिनुपर्छ। त्यसैले यो जायज छ। यसमा कुनै शंका छैन। तर सुन्दा जस्तो अनौठो छैन।’
एक्सियोसका अनुसार रामास्वामीले आफ्नो लक्ष्य ४ वर्षभित्र २२ लाख कर्मचारीमध्ये ७५ प्रतिशत हटाउने बताउनुभएको हो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- जापानको आर्थिक वृद्धिदर सुस्त
- हिउँद नलाग्दै सुक्न थाले खोला
- गौशाला धर्मशालामा मारवाडी सेवा समितिको मोहियानी हक लाग्दैन : अदालत
- पाकिस्तानमा विषाक्त धुवाँका कारण एकै दिनमा १५ हजारभन्दा बढी सङ्क्रमित
- राष्ट्रपति पौडेल र अजरबैजानका राष्ट्रपतिबीच भेटवार्ता
- कोप–२९ मा नेपालको जलवायुजन्य हानिनोक्सानीबारे चर्चा
- महिलाका लागि आम्दानीको आधार बन्दै घोँगी व्यापार
- पर्यटकीय गन्तव्य बन्दै सरुवाडाँडाको झोलुङ्गे पुल
- कोप२९ मा नेताहरूको मतभेदबीच उत्सर्जनलाई लिएर कडा चेतावनी
- वार्ताका लागि राष्ट्रसङ्घका आणविक प्रमुख इरान प्रस्थान
