स्वतन्त्र समाचार सेवा / INS चिनियाँ वैज्ञानिकहरूले विकास गरेको एक ‘आर्टीफिसियल इन्टेलीजेन्स टुल्स’ ले क्यान्सरको राजा मानिने प्यानक्रेटिक क्यान्सरको सुरुको अवस्था पत्ता लगाउन सफल भएको छ ।
अलिबाबा कम्पनीका लागि वैज्ञानिकहरूले विकास गरेको यो स्क्रिनिङ्ग प्रविधिले परीक्षणमा ९९ दशमलव ९९ प्रतिशत सफलता देखाएको छ । एक हजार मानिसको पेटको पेनक्राइजको स्क्रिनिङ्ग गर्दा एक जनाको मात्रै असफल भएको थियो ।
यो क्यान्सर लागेका मानिसको सुरु अवस्थाको पत्ता लगाउन निकै मुस्किल मानिन्छ, जब पत्ता लगाउन सकिन्छ, त्यति बेला रोगीलाई बचाउन प्राय असम्भव भैसकेको हुन्छ । यसको उपचार सफलताको दर १० प्रतिशत मात्रै छ ।
तर मायो किल्निकका अनुसार पेन्क्राइजको क्यान्सर सुरुमै पत्ता लाग्यो भने उपचार एकदम सहज छ र, रोगीलाई बचाउन सकिने सम्भावना उच्च रहन्छ ।
अलिबाबा समूहको डेमो ऐकेडेमी र एआई अनुसन्धानकर्ताहरूको सहकार्यमा बनाएको सो टुल्सले पेनक्रइजमा हुने क्यान्सरको सुरु अवस्थाको नै जानकारी दिएपछि उपचार गर्दा यसका रोगीहरूको बाँच्ने समय ९ दशमलव ८ वर्ष बढाउन सकिने दाबी अनुसन्धान कर्ताहरूले गरेका छन् । जबकि अन्य अवस्थामा त्यस्ता क्यान्सरका रोगीको बाँच्ने समय एक दशमलव ५ वर्ष मात्र हुनसक्छ ।
यो प्रविधि प्रारम्भिक परीक्षणकै अवस्थामा छ । यसको सफल परीक्षणका लागि अझ धेरै काम गर्ने बाँकी रहेको उल्लेख गर्दै यो प्रविधिलाई क्लिनिकल प्राक्टिसमा लैजान चिनियाँ सरकारले अनुमति दिन बाँकी रहेको अलिबाबाले जनाएको छ ।
चिनियाँ सरकारले रोग उपचारका लागि आर्टिफिसियल इन्टेलिजेन्समा आधारित इमोजिङ्ग एप्लिकेशलहरुलाई अझै पनि स्वीकृत दिएको छैन ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- आज बिहानैदेखि सरकारका वेभसाइटहरु डाउन
- आगलागी हुँदा पाँच परिवारको विचल्ली
- जसले न्याय खोज्दाखोज्दै प्राण त्यागिन्
- राष्ट्रपतिले आह्वान गरे संसद् अधिवेशन
- यू-१९ विश्वकप एसिया छनोटमा नेपालको लगातार तेस्रो जित
- अस्तव्यस्त सडक, मारमा जनता : आन्दोलनमय राजधानी
- आज यी प्रदेशमा हुनेछ चट्याङ्गसहित वर्षा, स्थानीय वायुको प्रभाव कायमै
- इलामका सीमावर्ती गाउँमा विद्यार्थी छन्, विद्यालय छैनन्
- काठमाडौँ उपत्यकामा भूकम्पको धक्का महसुस
- पाँचखालका इँटाभट्टा बन्द गर्न सर्वोच्चको आदेश
