बङ्गलादेशमा जारी विभेद विरुद्धको विद्यार्थी आन्दोलन हिजो एकाएक जनविद्रोहमा परिणत भएपछि प्रधानमन्त्री शेख हसिनाले सत्ता त्यागका साथै निवास (गोनो भवन)समेत छोडी हिँडेकी छन् । उनी भारतको कोलकत्तातर्फ लागेको समाचार एजेन्सीहरूले अनुमान गरेका छन् ।
आज दिउँसो १५ सय भन्दा बढी प्रदर्शनकारीहरूले प्रधानमन्त्री निवास कब्जामा लिएका छन् भने लाखौँ प्रदर्शनकारीहरू देशका विभिन्न भागबाट ‘ढाका चलो’ अभियानमा राजधानीमा जम्मा भइरहेका छन् ।
विद्यार्थी आन्दोलनकारीहरूले प्रधानमन्त्रीको राजीनामा नभई आन्दोलन परित्याग नगर्ने घोषणा गरेर हिजोबाट एकाएक जनविद्रोहको अवस्था सिर्जना गरेका थिए । प्रधानमन्त्रीले सत्ता छोडेर हिँडेपछि बङ्गलादेश सेना प्रमुखले अहिले केही बेरमा देशवासीलाई सम्बोधन गर्ने र विपक्षी राजनीतिक दलहरूलाई बैठकका लागि आह्वान गरेका छन् ।
बङ्गलादेश यति बेला अकल्पनीय राजनीतिक सङ्कटको भुमरीमा परेको छ । केही हप्ता अगाडि देखि विद्यार्थीहरू आरक्षण व्यवस्था विरुद्ध आन्दोलनमा आएका थिए । प्रधान्त्रीले सत्ता छोडेर हिँडेपनि केही दिनदेखि अवरुद्ध रहेको इन्टरनेट सेवा अझै सुचारु नभएको ढाकाबाट आर्टिकल १९ का क्षेत्रीय निर्देशक शहनेवाजले स्वतन्त्र समाचारलाई बताएका छन् । बङ्लादेशमा विगत एक महिना यता प्रदर्शनका क्रममा भएको दमनमा चार पत्रकारसहित २५० भन्दा बढी प्रदर्शनकारीहरु मारिएका छन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- अस्ट्रेलियालीमा १० प्रतिशत पुरुषले घरेलु हिंसामा कारबाहीको सामना गर्दछन्– अध्ययन
- विद्युत् व्यापार सम्झौता: नेपाल र बङ्गलादेशबीच सघन छलफल
- जलवायु परिवर्तनको असर, पानीको मुहान सुकेपछि रित्तियो ध्ये गाउँ
- यात्रा इजाजतप्राप्त हतियारसमेत सरकारी र सार्वजनिकस्थलमा लैजान नपाइने
- पपुवा न्यु गिनीमा सुनखानी नजिकै आदिवासीबीचको लडाइँमा ३० जनाको मृत्यु
- किन हुन्छ बालश्रम शोषण ऐनको प्रभावकारी कार्यान्वयनमा चुनौती ?
- फोन सम्पर्कका लागि झ्यालमा टुकटुके मोबाइल झुन्ड्याएर सुत्नुपर्ने बाध्यता
- नेपालमा डिजिटल प्लेटफर्म गभर्नेन्सबारे सरोकारवालाहरू माझ छलफल
- कास्कीमा डेङ्गीबाट तीनको मृत्यु, ३७ सयबढी सङ्क्रमित
- जापानमा वृद्धवृद्धाको सङ्ख्या उच्च