स्वतन्त्र समाचार सेवा / INS अग्रज पत्रकार एन पी उपाध्याय (नरेन्द्रप्रसाद उपाध्याय) को २०८१ भदौ २३ गते अमेरिकाको क्यालिफोर्नियामा त्यहाँको समय अनुसार ३:३८ बजे निधन भएको छ।
अङ्ग्रेजी भाषाको साप्ताहिक द टेलिग्राफका उहाँ लामो समय प्रधान सम्पादक रहेर नेपाली पत्रकारितामा स्थापित हुनु भएको थियो।
उपाध्यायको जन्म सन् १९४० को अन्त्यतिर सप्तरी जिल्लाको बैरवामा भएको थियो। विराटनगरमा हुर्किएका उपाध्यायले आदर्श विद्यालयमा अध्ययन गरे र सन् १९६० को दशकको मध्यतिर काठमाडौँ आएर शिक्षण सेवा पत्रकारितामा जीवन समर्पण गर्नु भएको थियो। उपाध्यायले ज्योति साप्ताहिकबाट पत्रकारिताको यात्रा सन् १९६९ मा गर्नु भएको थियो
तर पछि आफ्नै सम्पादनमा *टेलिग्राफ साप्ताहिक* को प्रकाशन प्रारम्भ गर्नु भयो।
अङ्ग्रेजी भाषाको सो साप्ताहिकलाई तीन दशक बढी समयसम्म निरन्तरता दिनु भयो। पत्रकार उपाध्यायले आफ्नो जीवनको धेरै समय अङ्ग्रेजी भाषाका शिक्षक र पत्रकारको रूपमा बिताउनुभयो। विशेष गरी नेपाल र दक्षिण एसियाली राजनीतिक परिस्थितिबारे लेख्ने उहाँ नेपालको पत्रकारिता क्षेत्रमा अन्तर्राष्ट्रिय मामिलाका जानकारका रूपमा सक्रिय रहनुभयो।
उहाँका लेखहरू मुख्यतः भारत, नेपाल र दक्षिण एसियाली क्षेत्रबिचको भू-राजनीतिक तनावबारे केन्द्रित थिए। यसैगरी उपाध्यायले कम्प्लेक्सिटिज अफ साउथ एसिएन पोलिटिकल अर्डर शीर्षकको पुस्तक पनि प्रकाशन गर्नु भएको छ।
उपाध्यायले नपाल पत्रकार महासङ्घको अन्तर्राष्ट्रिय सम्बन्ध समितिमा रहेर लामो समय नेपाली पत्रकारिताको संस्थागत विकासमा पनि योगदान दिनुभएको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- रुरु क्षेत्रमा ‘शालिग्राम महोत्सव’
- सेती नदी जलविद्युत् आयोजना निर्माण सम्पन्न
- ध्यानका लागि प्रभुचेलामा बन्यो पूर्वाधार
- जुम्ला–रारा म्याराथन भोलि, ५९१ धावक सहभागी हुँदै
- मेयरलाई विद्यार्थीको प्रश्न– हामी कहिलेसम्म अर्को पालिकाको विद्यालयमा पढ्न जाने ?
- प्रसारण लाइन निर्माणमा प्राविधिक त्रुटि ?
- नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त
- विद्युत् सेवा बन्द हुँदा ४८० घरधुरी अन्धकारमा बस्न बाध्य
- महेन्द्रनगर बजार : सौन्दर्यीकरणका कामसँगै थपियो उत्साह
- भारत र पाकिस्तानबीचको तनावप्रति नेपाल सचेत रहनुपर्नेमा जोड
