स्वतन्त्र समाचार सेवा / INS 
लुम्बिनी बिकास कोषले काम गरे बापतको रकम भुक्तानि नदिएको भन्दै आइतबारदेखि आन्दोलनरत निर्माण व्यवसायी र लुम्बिनी विकास कोषका पदाधिकारी बिच झडप भएको छ ।
राष्ट्रिय सभाको संघीयता सबलीकरण तथा राष्ट्रिय सरोकार समितिको कार्यक्रम लुम्बिनी स्थित होटेल फाईभ इलेमेण्टमा चलिरहेको बेला ठेकदारले पदाधिकारीलाइ लछारपछारगर्दै हातपात समेत गरेका छन ।
कुटपिटबाट सदस्य सचिव सानुराजा शाक्यको मुखमा सामान्य चोट लागेको छ । ठेकेदारहरूको सो समूहले आफू समेतलाइ हुलहुज्जत तथा लछारपछारगर्दै हातपात गरेको कोषाध्यक्ष शिद्धिचरण भट्टराइले बताए ।
निर्माण व्यवसायीहरूको माग सम्बोधन गरि समाधान गर्न लागिरहेको बेला हुलहुज्जत सहित अपमानजनक ब्यवहार गरिएको कोषाध्यक्ष भट्टराईले बताए । उनले भने, ‘समाधानकै प्रकृयामा थियॏ, अचानक आक्रमण भयो ।’
राष्ट्रिय सभाको संघीयता सबलीकरण तथा राष्ट्रिय सरोकार समितिका सभापतिमा.सोनाम गेल्जेन शेर्पा समेतको उपस्थिती रहेको कार्यक्रम चलिरहेकै बेला झडप भएको इलाका प्रहरी कार्यलय लुम्बिनी ले बताएको छ ।
लुम्बिनीको गुरुयोजना क्षेत्र भित्र विभिन्न निर्माण तथा सौन्दर्यकरणको काम गरिरहेका खानी अर्घाखाँची बाबुल जेभी, रमन गजुरमुखी राम जानकी जेभी, लामा अपेक्स कमलजित जेभी र लुम्बिनी अनक खड्का कृष्ण जेभीले काम गरेबापत करिब ४९ करोड भुक्तानी पाउन बाँकी छ ।
भिडियो:
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
