स्वतन्त्र समाचार सेवा / INS अलकायदाका सम्भावित वर्तमान नेताका सल्लाहकारले गाजामा बन्धक बनाइएका इजरायली बन्धकलाई रिहा गर्न हमाससँग आग्रह गरेको अमेरिकी जिहादी निगरानी संस्था (साइट) ले जनाएको छ।
सैफ अल–अदेलका ससुरा अबु वालिद अल–मसरीका नामले समेत चिनिने मुस्तफा हमिदले उक्त कुरा बताउनुभएको हो ।
इजरायली बन्धकहरूलाई जीवित र मृत अवस्थामा फर्काउनेतर्फ दिइएको ध्यानका कारण इजरायलले कब्जामा राखेका प्यालेस्टिनी कैदीहरूको भाग्यलाई ओझेलमा पारिरहेको हमिदले दाबी गर्नुभएको छ ।
उहाँले इजरायलले बिहीबार नै मारेको घोषणा गरेका हमासका नेता याह्या सिनवारको प्रशंसा गर्नुभयो । सन् २०२३ को अक्टोबर ७ मा इजरायलविरूद्ध गरिएको आक्रमणका मुख्य योजनाकार सिनवार थिए ।
वक्तव्यमा भनिएको छ, “हमासले अब ‘तत्काल’ बन्धक र उनीहरूका शवहरू फिर्ता गर्नुपर्छ र ‘लडाईँको यो अध्याय बन्द गर्नुपर्छ र फेरि खोल्नु हुँदैन, किनकि हामीलाई यसको परिणाम थाहा छ।”
“प्यालेस्टाइनी कैदीहरूको बारेमा मिडिया, छलफल वा वार्ता र प्रदर्शनमा कहीँ कसैले वास्ता गर्नेछैन,” विज्ञप्तिमा भनिएको छ।
हमासले सन् २०२३ को अक्टोबर ७ मा गरेको आक्रमणमा २५१ जनालाई बन्धक बनाएको थियो । त्यसयता कैयौँको मृत्यु भइसकेको छ भने केहीलाई डिसेम्बरको युद्धविराममा रिहा गरिएको छ भने ९७ जना अझै पनि इस्लामिक प्यालेिस्टनी लडाकू समूहको नियन्त्रणमा जीवित नै रहेको विश्वास गरिएको छ ।
सन् २००१ को सेप्टेम्बर ११ मा अमेरिकामा भएको आक्रमणका लागि जिम्मेवार ठहरिएको अलकायदा अफगानिस्तानमा अमेरिकी नेतृत्वमा भएको आक्रमणको निशानामा परेको थियो ।
सन् २०११ मा ओसामा बिन लादेनलाई अमेरिकी विशेष फौजले छिमेकी मुलुक पाकिस्तानमा मारेको थियो । बिन लादेनका उत्तराधिकारी अयमान अल जवाहिरी सन् २०२२ को जुलाईमा अमेरिकी ड्रोन आक्रमणमा मारिएका थिए ।
नेताहरूको आक्रमणमा मृत्यु भएपनि अल–कायदाको इस्लामिक देशहरूमा छिटफुट प्रभाव छ । पूर्व इजिप्टियाली विशेष बलका लेफ्टिनेन्ट–कर्नेल रहेका नेता सैफ अल–अदेल इरानमा रहेको रिपोर्ट गरिएको छ।
एएफपीसँग परामर्श लिएका केही विज्ञका अनुसार हमिद अल–कायदाको मुख्य संगठनका उच्च पदस्थ व्यक्तिहरूसँग नजिक छन् ।
सिरिया, यमन, सोमालिया र मालीमा क्षेत्रीय सहयोगीहरू खडा गरेको यस समूहको इरानसमर्थित हमासमाथि खासै प्रभाव छैन।
हमासले शुक्रबार गाजा युद्धको अन्त्यमा कुनै पनि बन्धकलाई रिहा नगर्ने प्रतिबद्धता जनाएको छ ।
विश्लेषकहरूका अनुसार सिनवारको कुनै उत्तराधिकारी तत्काल घोषणा नभएको र हमासको नेतृत्वमा शून्यता रहेकाले उनीहरूको रिहाईका लागि वार्ता गर्न कोही भेट्टाउन कठिन हुनेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बङ्गलादेशमा डेङ्गुबाट ८४ जनाको मृत्यु
- ‘सधैँ सडकमै बित्छ रात’
- नोबेल पुरस्कार बिजेता साईमोन जोन्सोनसँग सुमितको अन्तरवार्त: ‘इन्क एण्ड इन्साइट्सको’ प्रशंसा
- शून्य कार्बन स्कुलको अवधारणा कार्यान्वयन
- ड्रागन फ्रुटसँगै सयपत्री फूलको खेती
- अमेरिकाले इजरायली गोप्य योजना चुहावटको अनुसन्धान गर्ने
- उद्धारको पर्खाइमै मर्छन् लोपोन्मूख वन्यजन्तु
- कोही ‘डुलुवा’, कोही ‘घुमन्ते’
- चिउरीको दाना पेलेर घ्यूको जोहो
- इजरायली आक्रमणमा हमासका प्रमुख सिनवार मारिए, रोकिएला युद्ध ?
