स्वतन्त्र समाचार सेवा / INS सरकारी स्वामित्वमा रहेको दुग्ध विकास संस्थान (डिडिसी) लैनचौरले दूधको मूल्य बढाएको छ । संस्थानले आजदेखि लागू हुने गरी नयाँ मूल्य ‘प्रिन्ट’ भएको ‘प्याकेट’ दूध बजारमा पठाएको हो । संस्थानका अनुसार आजदेखि लागू हुने गरी देशभर दूधको मूल्य बढाइएको छ।
यही फागुन १९ गते बसेको मन्त्रिपरिषद्को बैठकको निर्णयअनुसार कृषकबाट उत्पादित चार युनिट घृतांश र आठ युनिट घृतांशरहित दुग्ध ठोस पदार्थ भएको कच्चा दूधको प्रतिलिटरको कृषक खरिद मूल्य प्रतिलिटर खरिद मूल्य न्यूनतम रु ६५ कायम गरिएको छ।
मन्त्रिपरिषद्को निर्णयअनुसार किसानलाई बढेको मूल्य दिइसकेको र उपभोक्ताले नयाँ मूल्य तिर्नुपर्ने डिडिसीले जनाएको छ । निलो प्याकेटको मूल्य प्रतिलिटर ११ रुपैयाँ बढेको छ । यसअघि प्रतिलिटर ८६ रुपैयाँ रहेको निलो प्याकेटको मूल्य आजदेखि काठमाडौँ, विराटनगर, जनकपुर र हेटौँडामा ९७ रुपैयाँ पर्नेछ । त्यस्तै बुटबलमा ९४ तथा नेपालगञ्ज र धनगढीमा ९२ रुपैयाँ कायम भएको संस्थानले जनाएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बढ्यो काठमाडौँ उपत्यकाको वायु प्रदूषण
- बीपी उद्यानको अतिक्रमित जग्गामा बनेका संरचना हटाउन सुरु
- पाँच वटा पिचसहितको क्रिकेट मैदान निर्माण हुँदै
- अमेरिकामा एक दशकपछिकै भारी हिमपात, ६ राज्यमा आपतकाल घोषणा
- बीपी राजमार्ग पुनर्निर्माणमा साढे ९ अर्ब लाग्ने
- विदेशी मुद्राको भाउ, कसको मूल्य कति ?
- म्याग्दीको रत्नेचौरका तोरीबारीमा टिकटिक बनाउने भीड
- लापरबाहीका कारण विद्यार्थीको नतिजा प्राभवित
- ८ अर्ब डलरको हतियार इजरायललाई बेच्ने बाइडेनको योजना
- देशभर एकै साथ जलपंछी गणना गरिँदै
