स्वतन्त्र समाचार सेवा / INS 
अमेरिकाको टेक्सासस्थित क्विन्टाना समुद्री किनारमा लाखौं माछा मृत भेटिएका छन् । तापक्रम बढ्दा पानी तातेर सास लिन नसक्दा माछा मरेको विशेषज्ञहरुको अनुमान छ । टेक्सास वाइल्ड लाइफ डिर्पाटका अधिकारीहरुका अनुसार तातो पानीमा अक्सिजनको मात्रा कम हुन्छ, जसले गर्दा सास फेर्न सक्दैनन् र उनीहरु मर्छन् ।
यसरी मर्नेमा धेरैजसो म्यानहेड प्रजातिका माछा रहेको बताइएको छ । अहिले सामाजिक सञ्जालमा मृत माछाको तस्बिर र भिडियो भाइरल बनेको छ ।
न्युयोर्क पोस्टका अनुसार गर्मीमा यसरी माछा मर्नु सामान्य कुरा हो । समुद्रमा गहिरो पानीको तुलनामा किनारको पानी बढी तातो हुन्छ । माछा किनाराको पानीमा फस्ने र त्यहाँबाट फर्किन सक्ने सम्भावना कम हुन्छ ।
माछा मर्नुअघि पानीमाथि आएर अक्सिजन लिन कोसिस गर्छन् । टेक्सासमा मरेका माछा शुक्रबारदेखि नै किनारतिर आउने क्रम जारी छ । टेक्सास प्रशासनका अनुसार मरेका माछा हटाउँदै समुद्री किनार खाली गराइएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- दही र महीको माग बढ्दै
- चितवनको कान्दामा दुई घण्टा बोकेर हाते ट्रयाक्टर पुर्याउँदा…
- रुरु क्षेत्रमा ‘शालिग्राम महोत्सव’
- सेती नदी जलविद्युत् आयोजना निर्माण सम्पन्न
- ध्यानका लागि प्रभुचेलामा बन्यो पूर्वाधार
- जुम्ला–रारा म्याराथन भोलि, ५९१ धावक सहभागी हुँदै
- मेयरलाई विद्यार्थीको प्रश्न– हामी कहिलेसम्म अर्को पालिकाको विद्यालयमा पढ्न जाने ?
- प्रसारण लाइन निर्माणमा प्राविधिक त्रुटि ?
- नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त
- विद्युत् सेवा बन्द हुँदा ४८० घरधुरी अन्धकारमा बस्न बाध्य
