स्वतन्त्र समाचार सेवा / INS आज भाद्र महिना, कृष्णपक्षको अष्टमी तिथी। हिन्दू धर्मअनुसार भगवान् श्रीकृष्णको जन्मदिन। प्रत्येक वर्ष यसै तिथिमा मनाइने कृष्ण जन्माष्टमी आज देशभर कृष्णको पूजाआराधना गरी धुमधामका साथ मनाइँदैछ।
अन्याय, अत्याचार र दानवीय प्रवृत्तिबाट मानव जातिलाई सुरक्षित बनाउने उद्देश्यले भगवान् विष्णु मानिसको अवतारका रुपमा श्रीकृष्ण भई धरतीमा जन्म लिएको स्मृतिस्वरूप आजको पर्व मनाउने गरिएको हो।
मथुराका राजा कंशको अत्याचारबाट मानव जातिलाई मुक्ति दिन पिता वासुदेव र माता देवकीको आठौँ गर्भबाट भगवान् विष्णुको आठौँ अंश अवतारका रुपमा आज मध्यरातमा श्रीकृष्णको जन्म भएको धार्मिक विश्वास छ।
यस दिन भक्तजनले भगवान श्रीकृष्णको बाल्यकालमा भएका रमाइला कथाहरू सम्झिने गर्दछन्। कृष्णका मूर्ति सजाउने, पूजा गर्ने र मनोरञ्जनका कथाहरू सुन्ने गरिन्छ। धेरै ठाउँमा रासलीला (गोपीहरूसँग नृत्य)पनि आयोजना गरिन्छ।
कृष्ण जन्माष्टमीका दिन व्रत, पूजा, भजन–कीर्तन र विशेष प्रकारका सोहाग प्रसाद खाइन्छ। यस दिन कृष्ण मन्दिरलगायत अधिकांश मन्दिरमा विशेष कार्यक्रम आयोजना गरिनुका साथै भगवान् कृष्णप्रति आफ्नो भक्ति र प्रेम अर्पण गर्न व्रत बस्ने चलन रहेको पण्डित अजय मिश्रको भनाइ छ।
पण्डित मिश्रका अनुसार, कुरुक्षेत्रमा अर्जुनलाई उपदेश दिने क्रममा स्वयं उहाँका मुखारविन्दबाट व्यक्त श्रीमद्भगवत गीता हिन्दूहरूको पवित्र धर्मग्रन्थ मानिन्छ। बाल्यकालदेखि नै आफ्ना विचित्र लीला देखाएका श्रीकृष्णले पुतना, कंस, जरासन्ध, शिशुपालजस्ता दानवीय प्रवृत्तिको संहार गर्नुभएको हिन्दु धर्मग्रन्थमा उल्लेख छ।.
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ड्रागन फ्रुटबाट वार्षिक दश लाख आम्दानी
- आज ज्येष्ठ शुक्ल एकादशी: तुलसीको दल राखिँदै
- अमेरिकाले नेपालीका लागि अस्थायी संरक्षण खारेज गर्दै
- प्रतिक्रिया स्वरूप रुसको युक्रेनमाथि आक्रमण
- नयाँ स्वरूपमा फिफा क्लब विश्वकप २०२५
- ट्रम्पद्वारा १२ देशका नागरिकलाई अमेरिका यात्रामा पूर्ण प्रतिबन्ध
- इजरायल -प्यालेस्टाइन गाजा युद्धमा २०० पत्रकार तथा संचारकर्मीको मृत्यु
- बेंगलोरमा ट्रफी परेडका क्रममा भएको भगदौडमा ११ को मृत्यु र ३३ घाइते
- आयात चार अर्ब ७५ करोड, निर्यात ३५ करोड : नेपाल बंगलादेश व्यापार
- सुडानमा चलिरहेको युद्धले चार लाखभन्दा बढी नागरिक विस्थापित
