स्वतन्त्र समाचार सेवा / INS राजधानी प्रागमा रहेको चेक रिपब्लिकको प्रसिद्ध विश्वविद्यालय चाल्र्स युनिभर्सिटीमा एक आक्रमणकारीले चलाएको बन्दुकबाट निस्किएको गोली लागेर कम्तीमा १५ जनाको हत्या भएको छ भने २४ जना घाइते भएका छन् ।
आक्रमणकारी विद्यार्थीले विश्वविद्यालयको दर्शन विभागको भवनमा विद्यार्थीबिचको भीडमा चलाएको बन्दुकबाट हिजो बिहीबार यस्तो मानव संहार भएको एशोसिएट प्रेसले उल्लेख गरेको छ ।
प्रागका प्रहरी प्रमुख मार्टिन मोन्डार्सकका अनुसार ती बन्दुकधारी पनि मारिएका छन् । उनको नाम भने प्रहरीले बताएको छैन । ती आक्रमणकारीले गोली चलाउनुको कारण खुल्न सकेको छैन तर चेक गणतन्त्रको गृह मन्त्रालयमा अधिकारीहरूले सो आक्रमणको पछाडि कुनै समूहगत संलग्नता वा कुनै विचारधाराको प्रभाव नदेखिएको जानकारी दिएका छन् ।
बन्दुकधारीले अघिल्लो साताको बिहीबार आफ्नै बाबुलाई पनि गोली हानेर हत्या गरेका थिए । हत्यापछि निज आक्रमणकारी फरार भएका थिए ।
प्रहरीका अनुसार– ‘उ आफैले आफूलाई पनि गोली हानेर मारेको हो ।’ सोही बन्दुकधारीले अघिल्लो महिना निजको गृह नगरमा अर्को एक व्यक्ति र सानो दुई महिनाको बालकलाई पनि मारेको आशङ्का प्रहरीले गरेको छ ।
अपराधीलाई छिटो पक्राउ गर्न नसक्दा निजबाट समूहगत हत्याकाण्ड हुन गएकोले चेक गणतन्त्रमा प्रहरी र गृह प्रशासनको व्यापक आलोचना सुरु भएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
- कर्णालीमा आमसञ्चार विधेयकबारे छलफल
- सम्मान र पुरस्कारले उत्साहित पूजा
- लेबनानको सार्वभौमिकता उल्लङ्घन गर्ने इजरायलसँगको युद्धविराम स्वीकार्य छैनः हिजबुल्लाह प्रमुख
- इन्जिनियरिङ अध्ययन गरेर ब्लक उद्योगमा स्थापित
- जर्मनीले ‘एआई’ बाट नियन्त्रण गर्न मिल्ने चार हजार ड्रोन युक्रेन पठाउने
