स्वतन्त्र समाचार सेवा / INS सोनी टेलिभिजनले जी इन्टरटेनमेन्टसँग १० अर्ब अमेरिकी डलरमा समायोजनका लागि सन् २०२१ मा गरेको सम्झौताबाट बाहिरिएको सोमबार जानकारी गराएको छ। डिज्नी, अमेजन र नेटफ्लिक्सजस्ता स्ट्रिमिङ प्रतिद्वन्द्वीहरूसँग १.४ अर्ब मानिसहरूको बढ्दो मनोरञ्जन बजारमा राम्रो प्रतिस्पर्धा गर्ने दुबै फर्महरूको आशामा अहिले विकास भएको परिस्थितिले धक्का दिएको छ।
जापानी कम्पनी सोनीले सोमबार एक विज्ञप्ति जारी गर्दै भनेको छ, “दुई कम्पनीबीच भएको आंशिक समायोजन सम्झौता खारेज गरिएको छ। सम्झौताको अन्तिम शर्तहरूमा दुई कम्पनीबीच सहमति हुन नसक्दा सम्झौताबाट बाहिरिनुपरेको हो।”
सन् २०२१ मा जीका प्रमुख कार्यकारी पुनीत गोयन्काले नयाँ सङ्गठनको मूल्य १० अर्ब अमेरिकी डलरको हाराहारीमा हुने र वार्षिक आम्दानी दुई अर्ब डलर पुग्ने बताउनुभएको थियो।
यसबाहेक, सोनीले सन् २०२१ देखि जीमा नाफा घट्ने चिन्ता व्यक्त गरेको जापानी कम्पनीका एक स्रोतले नाम नबताउने शर्तमा गत हप्ता एएफपीलाई बताएको छ।
अर्बौं डलरको मूल्यको भारतको मनोरञ्जन बजार पहिले नै विश्वको सबैभन्दा ठूलो बजारमध्ये एक हो, जबकि आगामी वर्षहरूमा स्मार्टफोनको अपनत्व अझ विस्तार हुने अनुमान गरिएको छ।
ब्लुमबर्ग न्यूजका अनुसार रिलायन्स (आरआईएल) ले डिज्नीको भारतीय इकाईसँग मर्जरका लागि वार्ता गरिरहेको बेला सोनी र जीबीच भएको सम्झौताले सोनी र जीलाई थप जोखिममा पार्नेछ। रिलायन्स भारत र एशियाका सबैभन्दा धनी व्यक्ति मुकेश अम्बानीको स्वामित्वमा छ।
एम्बिट क्यापिटलका सञ्चार विश्लेषक विवेकानन्द सुब्बारमणका अनुसार जीले अब ‘ड्रइङ बोर्डमा फर्कनु पर्नेछ’ र उहाँसँग पुँजीको अभाव हुनेछ। सोनीले मर्जरमा १.३ अर्ब डलर लगानी गर्न लागेको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- प्रधानमन्त्री कप महिला क्रिकेट : सुदूरपश्चिम ‘सुपर फोर’मा
- अमेरिकी राष्ट्रपति बाइडेनद्वारा दुई हजार ५०० जनालाई क्षमादान
- न सडक न बत्ती सधैँ अँध्यारो नार्पाभूमिका बस्ती
- नेपाल-भारत सीमास्तम्भको मर्मत सुरु
- दक्षिण सुडानमा भएको झडपमा कम्तीमा १६ जनाको मृत्यु
- ‘मुन्दुम ट्रेल’को प्रवर्द्धन गर्न महोत्सव
- कन्कार्ई पुल : पाँच पटक ठेक्काको म्याद थप , १३ वर्षमा आधा काम
- इजरायली सेनाद्वारा सिरियाबाट तीन हजार हतियार बरामद
- सामाजिक सञ्जालको सदुपयोग गर्दा …
- ब्लू ओरिजिनको पहिलो कक्षीय रकेट प्रक्षेपण स्थगित
