स्वतन्त्र समाचार सेवा / INS पर्सा प्रहरीले किर्ते गरी नागरिकता लिएको आरोपमा दुई जनालाई पक्राउ गरेको छ ।
झुटो विवरण पेस गरी नेपाली नागरिकता लिने वीरगञ्जका दुई जनालाई जिल्ला प्रहरी कार्यालय पर्साले पक्राउ गरेको हो ।किर्ते गरी नागरिकता लिएका आमा छोरालाई प्रहरी चौकी आदर्श नगरले पक्राउ गरेको हो ।
पक्राउ पर्नेमा वीरगन्ज महानगरपालिका वडा नम्बर १० आदर्श नगर निवासी अमन जलान भन्ने अमन चौधरी र निजको आमा अन्जु चौधरी रहेका छन्। २३ साउन २०८० को मन्त्रीपरिषद्को बैठकले अमन चौधरी (अग्रवाल) ले झुटो विवरण पेस गरी जिल्ला प्रशासन कार्यालय पर्साबाट लिएको नागरिकता रद्द गरी कानुनी कारबाही अगाडि बढाउने आदेश दिएको थियो ।
जिल्ला प्रशासन कार्यालय पर्साबाट २५ कार्तिक २०७७ मा अमनले वंशजको आधारको नेपाली नागरिकता लिएका थिए ।
मन्त्रीपरिषद्को निर्णयअनुसार जिल्ला प्रशासन कार्यालय पर्साले ३१ भदौ २०८० मा भारतीय नागरिक अमन चौधरी (अग्रवाल) को नागरिकता रद्द गरेको थियो । उनीहरू विरुद्ध असोज २०८० मा पक्राउ पुर्जी जारी भएको थियो । पक्राउ पुर्जी जारी भए पनि उनीहरू नेपाल प्रहरीको फरार प्रतिवादी सूचीमा थिए ।
शुक्रवार बिहान प्रहरी चौकी आदर्श नगरले देखेर पक्राउ गरेको पर्साका प्रवक्ता प्रहरी नायब उपरीक्षक केशर कुमार न्यौपानेले जानकारी दिए । उनका अनुसार दुवै जनाविरुद्ध नागरिकता सम्बन्धी कसुरमा कारबाही प्रक्रिया अघि बढाइएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ट्रम्पद्वारा १२ देशका नागरिकलाई अमेरिका यात्रामा पूर्ण प्रतिबन्ध
- इजरायल -प्यालेस्टाइन गाजा युद्धमा २०० पत्रकार तथा संचारकर्मीको मृत्यु
- बेंगलोरमा ट्रफी परेडका क्रममा भएको भगदौडमा ११ को मृत्यु र ३३ घाइते
- आयात चार अर्ब ७५ करोड, निर्यात ३५ करोड : नेपाल बंगलादेश व्यापार
- सुडानमा चलिरहेको युद्धले चार लाखभन्दा बढी नागरिक विस्थापित
- रोयल च्यालेन्जर्स बेंगलुरुले जित्यो आईपीएल २०२५ उपाधि
- आइपिएल २०२५ फाइनल: रोयल च्यालेन्जर्स बेंगलोर विरुद्ध पन्जाब किंग्स
- रुस र युक्रेनबिच टर्कीमा आज शान्ति वार्ता हुँदै
- युक्रेनले रुसमाथि गर्यो हालसम्मकै ठूलो आक्रमण
- तामाखानी : उत्खननको पर्खाइमा
