स्वतन्त्र समाचार सेवा / INS जुलियन असान्ज चढेकोको विमान मङ्गलवार बैंककमा अवतरण गरेको छ । विकिलिक्सका संस्थापक अमेरिकी सरकारसँग भएको सम्झौता अनुरूप आफूलाई अमेरिकी अदालतमा हाजिर गर्न अमेरिकाको मेरियाना टापु जाँदै थिए।
चार्टर्ड उडान थाईल्याण्डको राजधानीको उत्तरमा रहेको डोन मुआङ अन्तर्राष्ट्रिय विमानस्थलमा अवतरण गरेको थियो । एयरपोर्टका अधिकारीहरूले विमान इन्धन भर्नको लागि मात्र बैंककमा रोकिएको एसोसिएटेड प्रेसलाई जानकारी दिएकाे बताइएकाे छ । साथै विमान मङ्गलवार साँझ पश्चिमी प्रशान्तमा रहेको अमेरिकी उत्तरी मारियाना टापुको राजधानी साइपन लागि प्रस्थान गर्ने कार्यक्रम छ, जहाँ उनी स्थानीय समय अनुसार बुधवार बिहान अदालतमा उपस्थित हुनेछन् ।
असान्जका वकिलहरूले टिप्पणीको लागि अनुरोधहरूको केही जवाफ दिएका छैनन् । एक्समा पोस्ट गरिएको एक विज्ञप्तिमा विकिलिक्सले भनेको छ कि असान्जले पछिल्लो पाँच वर्ष बिताएका बेलायती जेल छोडेर विमानबाट सोमबार प्रस्थान गरेका हुन् ।
अस्ट्रेलियाका प्रधानमन्त्री एन्थोनी अल्बानीजले असान्जमाथिको अभियोग अन्त्य गर्न संयुक्त राज्य अमेरिकासँग लबिङ गरिरहेका थिए । संसद्मा बोल्दै प्रधानमन्त्री अल्बानीजले भने – “अस्ट्रेलियाको उच्चस्तरीय सरकारी टोली पनि असान्जसँगै लन्डनबाट उडेका छ’ ।
साथै प्रधानमन्त्री अल्बानीजले भने – “मानिसहरूले असान्जका कार्यहरूबारे जुनसुकै धारणा राखेपनि यो मुद्दा धेरै लामो समयसम्म तानिएको छ। उनको निरन्तर कारावासबाट केही पनि हासिल हुने छैन र हामी उनलाई आफ्नो घर अस्ट्रेलियामा चाडै ल्याइयोस् भन्ने चाहन्छौँ ” ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- कहिले सम्पन्न होला भक्तपुर–नगरकोट सडक ?
- वडाध्यक्षको तरकारीखेती मोह
- सिरहा भन्सारमा प्लान्ट क्वारेन्टाइन नहुँदा राजस्व असुलीमा असर
- जिमी कार्टरको राजकीय अन्त्येष्टिमा अमेरिकी शोक
- आदालतद्वारा रवि लामिछानेलाई धरौटीमा रिहा गर्न आदेश, समर्थकबीच खुसीको माहोल
- उत्तरी सिरियामा टर्कीए र कुर्दिश सेनाबीच झडप, ३७ जनाको मृत्यु
- खोटाङकाे बुइपामा कोक, जुस, वियरलगायत आयातित पेयपदार्थमा प्रतिबन्ध
- अमेरिकाको लस एन्जेलसमा भीषण आगलागी, अहिलेसम्म पाँच जनाको मृत्यु
- सूर्यदर्शन सहकारी बचत अपचलन : प्रतिवादीहरूको थुनछेक बहस जारी
- भूकम्पको मनोवैज्ञानिक असर कायमै, संयम अपनाउन आग्रह
