स्वतन्त्र समाचार सेवा / INS स्विजरल्याण्डका संसदका सदस्य र स्विस-भारत संसदीय समूहका अध्यक्ष निक गुग्गरले भारतसँग युरोपको मुख्य आपूर्तिकर्ता बन्ने “ठुलो अवसर” रहेको दाबी गरेका छन् । उनको दाबी युरोपेली देशहरू आफ्नो बजार सस्तो चिनियाँ उत्पादनहरूले भरिएर चिन्तित भएको समयमा आएको हो ।
स्विस संसद् गुग्गर भन्छन् – “यो भारतको लागि ठुलो मौका हो।
यसमा थप जोड दिँदै संसद् गुग्गर भन्छन् – “हामीलाई अन्य देशहरूबाट सस्तो उत्पादनहरू चाहिँदैन र हामीसँग स्वतन्त्र व्यापार सम्झौता छ भन्ने विश्वलाई देखाउने मौका छ । हामी उच्च गुणस्तर सँगै काम गर्न चाहन्छौँ यो भारतका लागि मौका हो” ।
विद्युतीय सवारी, सौर्य प्यानल र विन्ड टर्बाइन लगायत सस्तो चिनियाँ उत्पादनले आफ्नो बजार भरिएर स्थानीय हितलाई नोक्सान पुराएकोमा युरोपेली सङ्घले चिन्ता व्यक्त गर्दै आएको छ ।
साथै भारतमा रहेका स्विस सांसद गुग्गरले भारत र चार युरोपेली देशहरू (स्विजरल्याण्ड, आइसल्याण्ड, नर्वे र लिकटेन्स्टाइन) बिचको व्यापार र आर्थिक साझेदारी सम्झौताको बारेमा पनि कुरा गरेका थिए ।
भारत युरोपियन स्वतन्त्र व्यापार सङ्घले सन् २०२४ मार्च १० मा व्यापार र आर्थिक साझेदारी सम्झौतामा हस्ताक्षर गरेका थिए । सन् १९६० मा जन्म भएको यी चार युरोपियन स्वतन्त्र व्यापार सम्झौता एक अन्तर-सरकारी व्यवस्था हो । खुला व्यापार र आर्थिक एकीकरणको प्रवर्द्धनका लागि यी चार सदस्य राष्ट्रहरूको फाइदाको लागि यो अवधारणा ल्याइएको थियो ।
यस सम्बन्धमा स्विस संसद् गुग्गर भन्छन् -“यो चार देशहरू बिचको अद्वितीय खुला व्यापार सम्झौता हो, लिक्टेनस्टीन, स्विट्जरल्याण्ड, आइसल्याण्ड र नर्वे । भारतले युरोपका चार देशहरूसँग गरेको यो स्वतन्त्र व्यापार सम्झौता पहिलो व्यापार सम्झौता हो” ।
संसद् गुग्गरका अनुसार- ‘दुवै देशका लागि धेरै अवसरहरू खोल्छ ‘ ।
स्विस संसद् गुग्गर स्वास्थ्य सेवा, औषधिको क्षेत्र, स्टिल र विशेष गरी दोहोरो शिक्षाको क्षेत्रमा प्रमुख रूपमा अवसर भएको बताउँछन् । भारत र स्विजरल्याण्डक दुबैसँग राम्रा विश्वविद्यालयहरू, राम्रा कलेजहरू, राम्रो हाई स्कूलहरूको साथै विशेष गरी स्विजरल्याण्डसंग राम्रो व्यावसायिक प्रशिक्षण केन्द्रहरू छन् । साथै भारत-स्विजरल्याण्ड द्विपक्षीय सम्बन्धमा पनि उनले जोड दिए ।
मित्रता सन्धिका कारण स्विट्जरल्याण्ड र भारत बिचमा विशेष तालमेल रहेको गुग्गर भन्छन् । भारत र स्विट्जरल्याण्डले गत वर्ष मित्रताको ७५औँ वर्ष मनाएका थिए । संसद् गुग्गर ७६ औँ वर्ष मित्रताको सन्धिबाट मात्र नभई स्वतन्त्र व्यापार सम्झौताबाट सुरु भएको बताएका छन् ।
संसद् गुग्गर भन्छन् – “मैले भनेझैं व्यावसायिक प्रशिक्षणमा ठुलो सम्भावना छ । भारतमा ३० वर्षभन्दा कम उमेरका ५० प्रतिशतभन्दा बढी युवा जनसङ्ख्या छन्” । त्यसैले गर्दा भारत र स्विट्जरल्याण्ड बिच ठुलो सम्भावना देखिएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ‘मुन्दुम ट्रेल’को प्रवर्द्धन गर्न महोत्सव
- कन्कार्ई पुल : पाँच पटक ठेक्काको म्याद थप , १३ वर्षमा आधा काम
- इजरायली सेनाद्वारा सिरियाबाट तीन हजार हतियार बरामद
- सामाजिक सञ्जालको सदुपयोग गर्दा …
- ब्लू ओरिजिनको पहिलो कक्षीय रकेट प्रक्षेपण स्थगित
- ‘बेलायतसँग भएको सन्धीले नेपाललाई सार्वभौम राष्ट्रका रूपमा चिनायो’
- देवघाटमा आजदेखि माघे सङ्क्रान्ति मेला
- अमेरिकी डलरको भाउ बढ्यो
- आज माघ सङ्क्रान्ति पर्व मनाइँदै
- महाकुम्भमा एक करोड भक्तजनको ऐतिहासिक स्नान
