जर्मनीमा स्कोल्जलाई अविश्वासको मत, प्रारम्भिक चुनाव सुरु

जर्मनीका मध्य–वामपन्थी चान्सलर ओलाफ स्कोल्जले हप्तौँको उथलपुथलपछि सोमबार विश्वासको मत गुमाउनुभएको छ । यसले युरोपको सबैभन्दा ठूलो अर्थव्यवस्थालाई फेब्रुअरी २३ मा समयपूर्व चुनावतर्फ डोर्याएको छ ।

स्कोल्जले हार्ने अपेक्षा गरिएको बुन्डेस्ट्याग मतले राष्ट्रपति फ्रान्क–वाल्टर स्टाइनमेयरलाई व्यवस्थापिका विघटन गर्न र औपचारिक रूपमा चुनावको आदेश दिन अनुमति दिन्छ ।

महत्त्वपूर्ण मतदानअघि तीव्र बहसमा राजनीतिक प्रतिद्वन्द्वीहरूले आउँदो चुनाव अभियानका लागि क्रोधपूर्ण आरोप–प्रत्यारोप गरे ।

पूर्व चान्सलर एन्जेला मर्केलको क्रिश्चियन डेमोक्रेटिक युनियन (सिडियु) का कन्जरभेटिभ विपक्षी नेता फ्रेडरिक मेर्जभन्दा चुनावमा ६६ वर्षीय स्कोल्ज निकै पछाडि हुनुहुन्छ ।

तीन वर्षभन्दा बढी समय सत्तामा रहेपछि डोनाल्ड ट्रम्पले ह्वाइट हाउसमा पुनः चुनाव जितेको दिन नोभेम्बर ६ मा आफ्नो अनियन्त्रित तीन–दलीय गठबन्धन ध्वस्त भएपछि स्कोल्ज सङ्कटमा पर्नुभएको थियो ।

उच्च ऊर्जाको मूल्य र चीनबाट कडा प्रतिस्पर्धाले कमजोर भएको अर्थतन्त्रलाई पुनर्जीवित गर्न सङ्घर्ष गरिरहेको जर्मनीमा राजनीतिक उथलपुथल आएको छ ।

बर्लिनले युक्रेन युद्धलाई लिएर रुसको सामना गरिरहेको र ट्रम्पको पुनरागमनले भविष्यको नाटो र व्यापारिक सम्बन्धमा अनिश्चितता बढाएका कारण प्रमुख भूराजनीतिक चुनौतीहरूको पनि सामना गरिरहेको छ ।

ती चुनौतीहरू मतदानअघि तल्लो सदनमा स्कोल्ज, मेर्ज र अन्य पार्टी नेताहरूबीच गरम बहसको केन्द्रमा थिए । मतदानमा २०७ सांसदले स्कोल्जलाई समर्थन गरे भने ३९४ ले समर्थन गरेनन् र ११६ सांसद अनुपस्थित रहे ।

श्रोत: आइएनएस-स्वतन्त्र समाचार

स्वतन्त्र समाचार सेवा / INS का अन्य पोस्टहरु:

• पर्वतारोहण पथप्रदर्शक पेसामा शेर्पा युवाको घट्दो आकर्षण
• हुरीले अकबरे खुर्सानीमा क्षति पुर्‍याएपछि किसान चिन्तित
• पर्यटक र पूर्वाधारका पर्खाइमा छहरे झरना
• खानै नहुने मात्रामा विषादीको अवशेष तरकारीमा फेला
• तीन सय वर्ष पुरानो गाउँ ‘कुञ्छाल’ पर्यटकको पर्खाइमा
• चित्रकलाबाट मुन्दुम पदमार्गको प्रवर्द्धन
• हरेक वर्ष सारस चराको संख्या घट्दै
• मेची भन्सारद्वारा दश महिनामा करिब तेह्र अर्ब राजस्व संकलन
• रेशमा चियाको व्यावसायिक उत्पादन सुरु
• धार्मिक पर्यटकीय गन्तव्य बन्दै मालिका मन्दिर

Login & View plans Cancel

Share via:

0 Shares

• Twitter
• Facebook
• Facebook Messenger
• WhatsApp
• Viber
• Copy Link
• Print
• Email
• More