स्वतन्त्र समाचार सेवा / INS 
जिल्ला प्रशासन कार्यालय काठमाडौँले ग्यास बिक्री-वितरणमा अनियमितता भएको गुनासो बढेपछि व्यवसायीलाई कानुनअनुसार मात्र कारोबार गर्न निर्देशन दिएको छ।
कार्यालयले बुधबार अत्यन्त जरुरी सूचना जारी गर्दै पहुँच वा चिनजानका आधारमा ग्यास बिक्री-वितरण गर्ने तथा सिलिन्डर लुकाएर कृत्रिम अभाव सिर्जना गर्ने कार्य नगर्न चेतावनी दिएको हो।
कार्यालयका अनुसार विभिन्न ब्रान्डका ग्यास सिलिन्डर बिक्री गर्ने डिपो, पसल तथा कम्पनीहरूले उद्योग वा डिलरबाट ग्यास ल्याएर सर्वसाधारणलाई सहज रूपमा उपलब्ध गराउनुको सट्टा पहुँच र चिनजानका आधारमा सीमित व्यक्ति, होटेल तथा व्यवसायीलाई मात्र बिक्री गर्ने गरेको गुनासो प्राप्त भएको छ।
यस्ता गतिविधिमाथि जिल्ला प्रशासन कार्यालय तथा अधिकारप्राप्त निकायहरूले नियमित अनुगमन गरिरहेको जनाइएको छ। अनुगमनका लागि सादा पोसाकमा सुरक्षाकर्मीसमेत परिचालन गरिएको कार्यालयले जनाएको छ।
सूचनामा ग्यास सिलिन्डर लुकाएर राख्ने, कृत्रिम अभाव सिर्जना गर्ने वा पहुँचका आधारमा बिक्री–वितरण गर्ने जस्ता कानुनविपरीतका गतिविधिमा संलग्न पाइए सम्बन्धित व्यक्ति वा व्यवसायीलाई प्रचलित कानुनबमोजिम कारबाही गरिने उल्लेख छ।
जिल्ला प्रशासन कार्यालयले यस्ता अवैध गतिविधिमा प्रयोग भएका ग्यास सिलिन्डरसमेत जफत गरिने चेतावनी दिँदै सबै व्यवसायीलाई कानुनको पालना गर्न आग्रह गरेको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पूर्वाधार छ, बजेट छैन: ५० शय्याको प्रादेशिक आयुर्वेद चिकित्सालय जनशक्ति अभावमा साघुरियो
- भोजपुरको ‘फलाम ढुङ्गा’: प्राकृतिक सौन्दर्य र ऐतिहासिक महत्त्व, तर ओझेलमा
- म्याग्दीको धवलागिरि गाउँपालिकाको उदाहरणीय कदम: पोखरामै एकीकृत सेवा शिविर
- म्याग्दीमा साइबर अपराधको ग्राफ उकालो: अनलाइन ठगीबाट कसरी बच्ने?
- राष्ट्रिय सभाको बैठक आज बस्दै
- आज बिहिबारका लागि विदेशी मुद्राको विनिमय दर
- मनसुन अपडेट: पहिरो र बाढीको जोखिम, उच्च सतर्कता अपनाउन अपिल
- भेडेटारको ‘स्काइवाक’ नयाँ पर्यटकीय रोजाइ
- खेतीको क्षेत्रफल बढे पनि म्याग्दीमा घट्यो आलुको उत्पादकत्व
- आज राष्ट्रिय सभाको बैठक बस्दै
